ҮЕҰ діни экстремизмнің алдын алу жұмысында мемлекеттік органдардың серіктестері болып табылады.

Діни экстремизм мен терроризмнің алдын алу жұмысында діни бірлестіктерге үлкен үміт артылады деп мәлімдеді қоғамдық даму вице-министрі Берік Арын "Діни экстремизм мен терроризмнің алдын алу мәселелеріндегі қоғамдық институттардың рөлі" атты республикалық конференция барысында.

Вице-министрдің айтуынша, экстремистік идеялардың таралуына зияткерлік тойтарыс беруге тиісті сараптамалық қауымдастықтың, ғылыми және шығармашылық интеллигенцияның, бұқаралық ақпарат құралдарының белсенді ұстанымы аса маңызды. Ғалым-гуманитарийлердің, теологтардың және ресми діндердің күш-жігерімен экстремистер мен террористердің ойластырылған идеологиясын дер кезінде әшкерелеу, осы идеяларды тасымалдаушылардың діни ілімдердің шынайы мәнінің бұрмалануын көрсету қажет.

"Бұл жұмыста біз елімізде ресми тіркелген діни бірлестіктерге, бірінші кезекте, дәстүрлі, біздің қоғамның рухани даму міндеттерін шешуде тарихи маңызды рөл атқарған сенімді серіктестерге үлкен үміт артамыз. Ынтымақтастық аясында біз ҚМДБ мен Орыс православие шіркеуімен меморандум жасасты", - деді Берік Арын.

Діни экстремизм мен терроризмнің алдын алу бойынша жұмыс үкіметтік емес ұйымдардың қатысуымен жүргізіледі. Өңірлік кеңес беру орталықтарының желісі құрылды. Орталықтар Дін мәселелері бойынша кеңес береді. Олардың қызметкерлері деструктивті ағымдардың көшбасшылары мен белсенділерімен жеке кездесулер өткізеді. Сонымен қатар, олар құқық қорғау органдары мен әкімдіктер үшін дәрістер мен семинарлар ұйымдастырады.

"Контртеррористік комитет" РҚБ, "Дінтанушылар конгресі" ҚБ, "Дін проблемаларын зерттеу орталықтарының Қауымдастығы" ЗТБ, "Шақып" ҚБФ, "Ақниет "ақпараттық-насихаттау және оңалту орталығы" ҚҚ және т.б. сияқты ҮЕҰ-мен белсенді ынтымақтастық құрылған.

Айта кетейік, конференция жұмысына мүдделі мемлекеттік органдардың, қоғамдық және діни бірлестіктердің өкілдері, Қазақстан Республикасы Парламентінің өкілдері, дінтанушылар мен сарапшылар қатысты.