Нью-Йоркте БҰҰ Өркениеттер Альянсының 8-ші Жаһандық форумы өтті.
2018 жылғы 19-20 қарашада Қазақстан Республикасының қоғамдық даму вице-министрі, БҰҰ Өркениеттер альянсы жөніндегі ұлттық үйлестіруші Берік Арын БҰҰ өркениеттер Альянсының 8-ші жаһандық форумына қатысты.
Екі күндік форумның басты тақырыбы "Қақтығыстарды болдырмау және бейбітшілікті қолдау үшін серіктестік" болды.
Форумның ашылу салтанатында БҰҰ Бас хатшысы Антониу Гутерриш, БҰҰ өркениеттер Альянсының Жоғары өкілі Насир Абдулазиз Аль-Насер, БҰҰ Бас Ассамблеясының 73-сессиясының төрағасы Мария Эспиноса, Түркияның Сыртқы істер министрі Мевлют Чавушоглу, Катардың Сыртқы істер жөніндегі мемлекеттік министрі Сұлтан Әл-Мухейри және Испанияның Сыртқы істер жөніндегі мемлекеттік хатшысы Фернандо Марцо сөз сөйледі.
А. Гутерриш өзінің құттықтау сөзінде бейбіт, әділ және тұрақты қоғам құрудағы өркениеттер Альянсының рөлін атап өтті. "Бұл үшін бізге түрлі мәдениеттер мен діндердің адамдары үйлесімде, кемсітушіліксіз және қудалаусыз өмір сүре алатын жағдайларды алға жылжыту қажет", - деп атап өтті БҰҰ Бас хатшысы.
М. Эспиноса діни және мәдени негіздегі зорлық экстремизмге, кемсітушілікке және ксенофобияға қарсы іс-қимылдың тиімді әдістерін әзірлеу қажеттігін атап өтті.
Құрметті өкіл Н. әл-Насер өркениеттер Альянсының жобалары өркениеттер арасындағы кеңейіп келе жатқан айырмашылықтар бойынша көпірлер салуға көмектескенін және мыңдаған адамдардың, әсіресе жастардың өміріне оң әсер еткенін мәлімдеді.
Форум аясында өткен өркениеттер Альянсының достары тобының министрлік кездесуінде сөйлеген сөзінде Б. Арын өркениеттер арасындағы өзара түсіністікті нығайту ісіндегі Альянстың маңызды рөлін атап өтіп, Альянстың мақсаттары мен міндеттері – жаһандық және өңірлік қауіпсіздікті қолдау тетіктерінің бірі ретінде дінаралық және мәдениетаралық диалогты дамыту, білім беру, жастар, көші – қон және БАҚ мәселелеріне арналған түрлі бағдарламалар мен жобаларды іске асыру-Қазақстан Президенті Нұрсұлтан Назарбаевтың тұрақты бейбітшілікті құруға бағытталған бастамаларымен үндеседі.
Ұлттық үйлестіруші Б.Арын Қазақстанның өркениеттер Альянсымен ынтымақтастықты одан әрі кеңейтуге және азаматтық қоғамды, діни топтарды, жастарды, әйелдерді, БАҚ-ты қауіпсіздікті нығайту, діни радикализм мен экстремизммен күрес жөніндегі бірлескен жұмыстарға тартудың өзара тиімді тәсілдерін әзірлеу үшін тәжірибе алмасуға, ұстамдылық пен төзімділік құндылықтарын дарытуға дайын екенін білдірді.
Осы тұрғыда ол Астанада Н. Назарбаевтың дінаралық және өркениетаралық диалогты дамыту жөніндегі орталығын құру және 2019 жылды Қазақстанда Жастар жылы деп жариялау туралы хабардар етті.
Форум барысында БҰҰ Бас хатшысы А. Гутерриш Испанияның бұрынғы Сыртқы істер министрі Мигель Моратиностың 2019 жылғы 1 қаңтардан бастап өз міндеттеріне кірісетін өркениеттер Альянсының жаңа Жоғары өкілі болып тағайындалғанын жариялады.
Форумның алаңдарында жанжалдан кейінгі елдердегі қақтығыстар мен бейбітшілік жасаудың алдын алудағы дінаралық және мәдениетаралық диалог мәселелеріне, көшбасшылықты және әйелдердің бейбітшілікті қолдауға тартылуын нығайтуға, жеке сектор мен азаматтық қоғамды бейбітшілікті құру бойынша күш-жігерге тартуға, жаһандық қауіпсіз ортаны құрудағы дінаралық көшбасшылар мен ұйымдардың рөлі мен жауапкершілігіне, цифрлық дипломатияға, білім беруге, көші-қонға және БАҚ-қа арналған секциялық отырыстар өтті, сондай-ақ, жастар форумы мен көші-қон және ксенофобияның алдын алу тақырыбында "PLURAL+" бейне-фестивалінің лауреаттарын марапаттау рәсімі.
Отырыстарда белгілі саяси қайраткерлер сөз сөйледі, олардың ішінде Испанияның бұрынғы премьер-министрі Х. Сапатеро мен Австралияның бұрынғы премьер-министрі К. Рудд, Словения экс-президенті Д. Түрк, Араб Мемлекеттері Лигасының бұрынғы Бас хатшысы Амр Муса, БҰҰ-ның Жастар ісі жөніндегі Бас хатшысының Елшісі Дж.Викраманаяке және басқалары.
Естеріңізге сала кетейік, Қазақстан 2005 жылдың 16 қарашасында БҰҰ өркениеттер Альянсының достары тобына кірді. 2008 жылдан бастап Қазақстан БҰҰ өркениеттер Альянсының жаһандық форумдарына белсенді қатысуда, олар екі жылда бір рет әлемнің түрлі елдерінде өткізіледі.
Өркениеттер Альянсының өкілдері, оның ішінде оның жоғары өкілі Н. әл-Насер әлемдік және дәстүрлі діндер лидерлері Съезінің жұмысына тұрақты негізде қатысып, Қазақстанның бейбітшілік пен тұрақтылықты нығайту жөніндегі жаһандық бастамаларын қолдайды.