Өнеркәсіптік және өзге де объектілер үшін санитариялық-эпидемиологиялық қорытындылар беру кезінде объектілер мен сараптама жобаларының сәйкестігіне бағалау жүргізу тәртібі
Халықтың санитариялық-эпидемиологиялық саламаттылығы саласындағы мемлекеттік органның мамандары кәсіпкерлік субъектілерінен және ұйымдардан профилактикалық бақылау және (немесе) санитариялық-эпидемиологиялық сараптама нәтижелері негізінде өтініш келіп түскен кезде санитариялық-эпидемиологиялық қорытындылар береді:
- жоғары эпидемиялық маңызы бар объектінің шекті жол берілетін шығарындылар бойынша, зиянды заттардың шекті жол берілетін төгінділері бойынша, ЭМӨ әсер ету шекараларын белгілеу және радиотехникалық объектілерді (радиоэлектрондық құралдарды) орналастыру жөніндегі, есептік (алдын ала) және белгіленген (түпкілікті) санитариялық-қорғау аймақтарын белгілеу жөніндегі нормативтік құжаттама жобаларына сәйкестігіне.
Санитариялық-эпидемиологиялық сараптама мыналарды қамтиды:
- ұсынылған құжаттарға (немесе жобаларға) сараптама жүргізу;
- зертханалық және аспаптық зерттеулер мен сынақтар жүргізу (объектілерді санитариялық-эпидемиологиялық сараптау кезінде);
- объектіні тексеру (объектілерді санитариялық-эпидемиологиялық сараптау кезінде).
Эпидемиялық маңызы жоғары объектілердің сәйкестігін бағалау кезінде мынадай негізгі талаптар ескеріледі:
- субъектінің (сараптама объектісінің) сипаттамасы: сараптама объектісінің шаруашылық жүргізуші субъектіге тиесілігі (меншік құқығында және (немесе) жалға алынатын немесе өзге де нысандар);
- қызмет саласы мен түрі, объектінің қуаты (өнімділік, (немесе) отыратын орындар саны, (немесе) жобалық/нақты орындар саны);
- объектіге рұқсат беру құжаттары (оның ішінде заңнамаға сәйкес бұрын берілген, бар болса),
- объектіні орналастыру сипаттамасы (оның қауіптілік сыныбы, санитариялық-қорғау аймағының (СҚА), санитариялық ажыраулардың (СА) белгіленген мөлшері. Есептік (алдын ала) және белгіленген (түпкілікті) (өзгертілген) СҚА белгілеу жөніндегі жобаларға СЭҚ. СҚА аумағының режимі. Қоршаған ортаға, санитариялық қорғау аймақтарына зиянды заттар мен физикалық факторлардың шекті жол берілетін шығарындылары мен шекті жол берілетін төгінділері бойынша нормативтік құжаттама жобаларына (заңнамада көзделген жағдайларда) СҚА ж.т.б.
- объект аумағының сипаттамасы;
- объектінің үй-жайларының, ғимараттары мен құрылыстарының жиынтығы, құрамы мен ауданы, оларды функционалдық мақсатына сәйкес пайдалану, үй-жайлардың ішкі безендірілуі және т. б.;
- санитариялық-тұрмыстық үй-жайлар, денсаулық сақтау объектілерінің, кір жуу орындарының болуы;
- сумен жабдықтау, жылумен жабдықтау, жарықтандыру, желдету және ауаны баптау сипаттамасы.
Субъектілер есептік (алдын ала) және белгіленген (түпкілікті) санитариялық-қорғау аймақтарын белгілеу жөніндегі жобаларды ұсынған кезде Қазақстан Республикасы Денсаулық сақтау министрінің м.а. бұйрығымен бекітілген 2022 жылғы 11 қаңтардағы № ҚР ДСМ-2 "Адамның мекендеу ортасына және денсаулығына әсер ету объектілері болып табылатын объектілердің санитариялық-қорғау аймақтарына қойылатын санитариялық-эпидемиологиялық талаптар" санитариялық қағидаларының 9-қосымшасында белгіленген мынадай талаптарды (нормативтік құқықтық актілерді мемлекеттік тіркеу тізілімінде № 26447 болып тіркелген) ескеруі қажет:
- объект туралы жалпы мәліметтер (кәсіпорынның/объектінің атауы, мекенжайы, деректемелері, байланыстары);
- жер учаскесі (аумағы), объектіні орналастыру туралы ақпарат, бұрын учаскенің пайдаланылғаны туралы мәліметтер (күйдіргі бойынша санитариялық-қолайсыз пункттің (КСҚП) және күйдіргінің топырақ ошақтарының санитариялық-қорғау аймағында көзделіп отырған қызмет объектісінің жер учаскесінің түсуі), учаскенің нысаналы мақсатына сәйкестігі, объектінің және күйдіргінің топырақ ошақтарының өзара орналасуы туралы мәліметтер; жақын маңдағы тұрғын үй құрылысына дейінгі қашықтық және т. б.);
- аумақтардың табиғи-экологиялық ерекшеліктерінің сипаттамасы (кәсіпорын ауданындағы қазіргі экологиялық жағдайдың қысқаша талдауы, Қазгидромет деректері және өндірістік бақылау және экологиялық мониторинг бағдарламасы бойынша басқа да мәліметтер);
- объект қызметінің сипаттамасы (қызмет түрі, алаңдар саны, объектінің құрамы, қуаты, техникалық процестердің сипаттамасы және т. б.);
- объект қызметі процесінде ықтимал теріс әсер ету көздерінің сипаттамасы және тізбесі (ластаушы заттар шығарындыларының, шудың, дірілдің, ЭМӨ және басқа да физикалық факторлардың көздерін түгендеу);
- объектінің СҚА мөлшері мен қауіптілік сыныбының негіздемесі (қауіптілік сыныбы, СҚА-ның алдын ала/түпкілікті мөлшері, әрбір фактор бойынша СҚА-ның белгіленген есептік шекаралары (мөлшерлері) және СҚА-ның ең жоғары мөлшерін қабылдау, қауіптілік сыныбының 1 және 2 объектілері үшін денсаулық үшін қауіптілік бағасын, СҚА бойынша қорытындыны және т. б. көрсету.);
- СҚА және тұрғын үй құрылысы шекараларындағы фонды ескере отырып, есептеулер/өлшеулер нәтижелерін талдау (ластаушы заттарды, шуды, дірілді, ЭМӨ және басқа да физикалық факторларды (ШРК, ШРД) тарату нәтижелері);
- объектінің СҚА аумағын пайдалану режимі (орналастыруға рұқсат етілмейтін объектілерді СҚА аумағында немесе шекараларында орналастыру);
- СҚА ұйымдастыру, абаттандыру және көгалдандыру жөніндегі іс-шаралар мен құралдар (жоспар-кесте).
Сараптама барысында осы талаптар болмаған кезде субъектіге дәлелді бас тарту беріледі.