Лицензия алу үшін:
- ҚР ҰЭМ-нің 2015 жылғы № 3 бұйрығымен бекітілген нысан бойынша өтініш;
- ҚР ДСМ-нің міндетін атқарушының 2022 жылғы №101 бұйрығымен денсаулық сақтау саласындағы дезшаралар жөніндегі қызметтерді көрсетуге арналған лицензияланатын қызмет түріне қойылатын біліктілік талаптарына сәйкестігі туралы мәліметтер;
- «электрондық үкімет» шлюзінде мәліметтер болмаған жағдайда әкімшілік-тұрмыстық және өндірістік объектіге (үй-жайларға дезшаралар құралдары мен препараттарын, қармақжемдер мен тұзақтарды, жұмыс ерітінділерін дайындау үшін жабдықталған бөлмелерге) санитариялық-эпидемиологиялық қорытындының электрондық көшірмесі;
Лицензияны қайта ресімдеу кезінде:
- № 3 бұйрықпен бекітілген нысан бойынша өтініш;
- ақпараты мемлекеттік ақпараттық жүйелерде қамтылған құжаттарды қоспағанда, лицензияны қайта ресімдеу үшін негіз болған өзгерістер туралы ақпаратты қамтитын құжаттардың электрондық көшірмелері.
Қызмет алушының:
-жеке басын куәландыратын құжат деректері,
-заңды тұлғаны мемлекеттік тіркеу (қайта тіркеу),
-дара кәсіпкерді мемлекеттік тіркеу туралы мәліметтер
Бұл деректерді қызмет көрсетуші орган, көрсетілетін қызметті беруші «электрондық үкімет» шлюзі арқылы тиісті мемлекеттік ақпараттық жүйелерден алады.