Қызылша бойынша эпидемиологиялық жағдай

ШҚО-да 2023 жылы қызылшаның 278 зертханалық расталған жағдайы тіркелді, қарқынды көрсеткіш деңгейі 38,1%.     2022 жылдың осы кезеңінде тіркелмеген.

Науқастардың: 

• 68,7% -ын 14 жасқа дейінгі, бұл 191 жағдай,
• 23,7%-ы немесе  66 жағдай  ересектер
• 7,6%-ы немесе 21 жағдай жасөспірімдер арасынан тіркеліп отыр.

№	Аудандар	Аурушаңдық
		Барлығы	Балалар	Ересектер	Жасөспірім
	Глубокое	6	4	2
	Зайсан	45	20	22	3
	Алтай	60	52	2	6
	Күршім	1	1
	Самар	8	1	0
	Риддер	1	8	0
	Ұлан	7	1	1
	Өскемен	148	1	39	12
	Шемонаиха	1	6	1	0
	барлығы	278	191	66	21

 

Сырқаттанушылық негізінен екпе алмағандар мен  вакцинация туралы мәліметтері жоқ адамдар арасында тіркелді 170 адам (61%), оның:

• 31 жағдайы - жоспарлы вакцинация жасына жетпеу,
• 48 жағдайы - медициналық қарсы көрсетілімдер,
• 82 жағдайы - вакцинациядан бас тартқандар,
• 9 жағдайы - екпе алу мүмкіндігін өткізіп алғандар,
• 53 адамды немесе 19% - вакцинацияланған адамдар
• 55 жағдайды немесе 19,8% - белгісіз иммундық мәртебе құрады.

Жүргізілген эпидемиологиялық тергеу нәтижесінде 13,9% немесе 13 қызылша науқасы Алматы, Атырау, Стамбул (Түркия) қалаларында және Тәжікстан елдерінде ауырып, облысқа әкелгендер.

Ағымдағы жылдың 15 ақпан күніне қызылшаның 159 зертханалық расталған жағдайы тіркелді, қарқынды көрсеткіш деңгейі 21,8.     2022 жылдың осы кезеңінде тіркелмеген.

Науқастардың: 

• 47,1% -ын ересектер құрайды, бұл 75 жағдай,
• 36,9%-ы немесе  58 жағдай  14 жасқа дейінгі балаларда,
• 16,3%-ы немесе 26 жағдай жасөспірімдер арасынан тіркеліп отыр.

№ р/н	Аудандар	Аурушаңдық
		барлығы	балалар	ересектер	жасөспірімдер
	Глубокое	3	1	0	2
	Зайсан	13	4	8	1
	Катон-Қарағай	2	1	1
	Ұлан	4	3		1
	Риддер	1			1
	Өскемен қаласы	135	49	65	21
	Шемонайха	1		1
	Всего	159	58	75	26

 

Сырқаттанушылық негізінен екпе алмағандар мен  вакцинация туралы мәліметтері жоқ адамдар арасында тіркелді 51адам (32,4%), оның:

• 5 жағдайы - жоспарлы вакцинация жасына жетпеу,
• 16 жағдайы - медициналық қарсы көрсетілімдер,
• 26 жағдайы - вакцинациядан бас тартқандар,
• 4 жағдайы - екпе алу мүмкіндігін өткізіп алғандар,
• 29 адамды немесе 18,2% - вакцинацияланған адамдар
• 79 жағдайды немесе 50,3 % - белгісіз иммундық мәртебе құрады.

 

 Қазақстан Республикасының Бас мемлекеттік санитариялық дәрігерінің 2023 жылғы 1 қарашадағы № 7 қаулысы шығарылды.

• Қаулыға сәйкес ағымдағы жылғы 6 қарашадан бастап қызылшаға, қызамыққа және паротитке (ҚКП) қарсы 6-11 айлық балаларға егу жүргізілсе,
• Желтоқсаннан бастап – қызылшаның егу мәртебесіне қарамастан 2-4 жастағы балаларға қосымша жаппай иммундауды (ҚЖИ) жүргізуді басталды.

Облыс бойынша:

• 6 айдан 11 айға дейінгі 6960 бала екпе алуға жатса, бүгінгі күні оның 3338-не немесе 48,0% екпе жүргізілді;
• 2-4 жастағы екпеге жататын балалар саны – 24 700, ал егілгені 19452 бала
• бір реттік екпе алғандар 3973, бұл екпеге жататын 5 440 адамның 73,0%-ы.

Қызылшаға және қызамыққа қарсы қосымша иммундау кезінде Үндістанда өндірілген қызылшаға, қызамыққа және паротитке қарсы аралас вакцина қолданылады. Бұл вакцина қауіпсіз, әлемнің 70-тен астам елінде, соның ішінде еуропалық елдерде қолданылады, Дүниежүзілік денсаулық сақтау ұйымымен сертификатталған және мемлекеттік тіркеуден өткен. Біздің елімізде бұл вакцина 20 жылдан астам уақыт бойы қолданылып келеді. 2015 және 2019 жылдары қызылша ауруын оқшаулау үшін осы вакцина қолданылды, иммундаудан кейінгі асқынулар тіркелген жоқ. Қосымша иммундау балалардың тіркелген жері бойынша амбулаториялық-емханалық ұйымдарда тегін жүргізіледі. Осы мақсатта облыста вакциналардың жеткілікті көлемі бар. Қосымша иммундау науқанының негізгі мақсаты - қызылша ауруы мен оның асқынуларының одан әрі таралуын болдырмау.

Құрметті ата-аналар, облыс тұрғындары, егер сіздердің жақындарыңыз бен балаларыңыз қызылша індетіне қарсы екпе алмаған болмаса,  оларға дереу түрде тұрғылықты жері бойынша медициналық ұйымдарға барып індетке қарсы екпе алу қажет. Есте сақтаңыздар! Аталған індеттің алдын алу ең тиімді жолы  қызылшаға қарсы екпе алу. Қызылшаға қарсы нақты ем жоқ екені  бәріне белгілі.