Жоспарланған санитариялық-эпидемиологиялық мониторинг шеңберінде 2023 жылдың 9 айында атмосфералық ауаға шығарылатын негізгі ластаушы заттар бойынша бақылау нүктелерінде (өнеркәсіптік кәсіпорындардың санитариялық-қорғау аймақтарының шекарасы, тұрғын аймақ) атмосфералық ауаның 16340 сынамасы зерттелді.
Ластаушы заттар концентрациясының артуы Өскемен қаласында қолайсыз метеорологиялық жағдайлары бар күндерді жариялау кезеңінде зерттелген атмосфералық ауа сынамаларының 0,7% -да анықталды.
Атмосфералық ауаға жүргізілген зертханалық зерттеулердің нәтижелері бойынша ақпарат облыстық экология департаментіне және табиғат қорғау прокуратурасына жіберіледі.
Қолайсыз метеорологиялық жағдайлар кезеңінде әлеуметтік желілерде тұрғындарға алдын алу шаралары туралы ұсынымдар орналастырылады (ашық ауада серуендеуді және дене белсенділігін шектеу; дене шынықтыруды және спортпен шұғылдануды жабық спорт кешендерінде өткізу; балалардың ашық ауада серуендеуін болдырмау).