2026 жылдың 1-тоқсанында Шығыс Қазақстан облысы санитариялық-эпидемиологиялық бақылау департаментінің аумақтық бөлімшелерінің мамандары атмосфералық ауаның санитариялық-химиялық көрсеткіштері бойынша 33710 сынама зерттеді (2025 жылдың 1-тоқсанында – 23950). Оның ішінде 968 сынамада (2,8%) ластаушы заттардың шекті рұқсат етілген концентрациясынан асу анықталды.
Соның ішінде селитебтік аумақта 29086 сынама зерттеліп, оның 968 сынамасында (3,3%) шекті рұқсат етілген концентрациядан асу тіркелді.
Ластаушы заттардың шекті рұқсат етілген концентрациясынан асу негізінен облыс орталығында қолайсыз метеорологиялық жағдайлар орын алған күндері анықталды.