Шығыс Қазақстан облысының Бас мемлекеттік санитариялық дәрігерінің 2020 жылғы 16 тамыздағы № 21 қаулысына өзгерістер мен толықтырулар енгізу туралы 23.08.2020 жылғы № 21-1 ҚАУЛЫСЫ

Шығыс Қазақстан облысының Бас мемлекеттік санитариялық дәрігерінің 2020 жылғы 16 тамыздағы № 21

қаулысына өзгерістер мен толықтырулар енгізу туралы

№ 21-1

ҚАУЛЫ

 

 

2020 жылғы 23 тамыз                                           Өскемен қаласы

 

 

Мен, Шығыс Қазақстан облысының Бас мемлекеттік санитариялық дәрігері М. А. Исмаилов, мына құжаттарды:

«Қазақстан Республикасының Бас мемлекеттік санитариялық дәрігерінің 2020 жылғы 26 маусымдағы № 43 қаулысына өзгерістер мен толықтырулар енгізу туралы» Қазақстан Республикасы Бас мемлекеттік санитарлық дәрігерінің 2020 жылғы 14 тамыздағы № 47 қаулысын;

«Карантиндік шектеу шаралары және оларды кезең-кезеңімен жеңілдету туралы» Қазақстан Республикасы Бас мемлекеттік санитарлық дәрігерінің 2020 жылғы 15 тамыздағы № 48 қаулысын;

«Қазақстан Республикасының Бас мемлекеттік санитариялық дәрігерінің қаулысына өзгерістер мен толықтырулар енгізу туралы» Қазақстан Республикасы Бас мемлекеттік санитарлық дәрігерінің 2020 жылғы 20 тамыздағы № 49 қаулысын;

Қазақстан Республикасының Премьер–Министрі А.Ұ.Маминнің төрағалығымен өткен мемлекеттік комиссия отырысының 2020 жылғы                  13 тамыздағы шешімін,

Шығыс Қазақстан облысында коронавирустық инфекция бойынша санитариялық-эпидемиологиялық ахуал туралы жедел мәліметтерді қарап,

COVID-19 науқастарын емдеуге арналған инфекциялық стационарлардың (ТҚҚП) төсек орын қорының қамту пайызының есептік өлшемшарттары негізінде – 20%, КВИ бойынша өлім-жітім көрсеткіші - 2,0%, облыс бойынша репродуктивті R санының мәні – 1,0 төмен, соның ішінде Жарма ауданында – 0,4, Күршім ауданында – 0,3 және Курчатов қ. – 0,1 болғанын анықтадым.

«Халық денсаулығы және денсаулық сақтау жүйесі туралы» Қазақстан Республикасы Кодексінің 38 - бабының 2 - тармағы 3) тармақшасы, 1-тармағының 4) тармақшасы және 102,104 – баптары негізінде,

ҚАУЛЫ ЕТЕМІН:

«Шығыс Қазақстан облысы халқының арасында коронавирустық

инфекция ауруының алдын алу жөніндегі қатаң шектеу шараларын кезең-кезеңмен алу жөніндегі одан арғы шаралар туралы» Шығыс Қазақстан облысының Бас мемлекеттік санитариялық дәрігерінің 2020 жылғы 16 тамыздағы № 21 қаулысына мынадай өзгерістер мен толықтырулар енгізілсін:

  1. Қаулының 1-тармағының 1-абзацындағы "Жарма, Күршім аудандары мен Курчатов қаласын қоспағанда" деген сөздер алынып тасталсын»;

"Жарма, Күршім аудандары мен Курчатов қаласының аумағында қатаң шектеу шаралары сақталсын" деген 2 абзац алынып тасталсын.

  1. Қаулының 5-тармағының 1) тармақшасы келесі редакцияда жазылсын:

1) облыс аудандары мен қалалары арасында қала маңындағы жолаушылар поездары және қалааралық автобус қатынасының жұмыс істеуіне шектеулер сақталсын.

  1. Қаулының 13-тармағының 2-абзацы келесі редакцияда жазылсын:

Күшейтілген санитариялық-дезинфекциялық режим (маска кию, әлеуметтік қашықтықты сақтау, белгілерді қою) сақталған жағдайда:

қоғамдық тамақтану объектілері мен мейрамханалардың қызметіне үй-жайларда отыратын орындар саны 30 адамға дейінгі, ашық алаңда ұжымдық іс-шараларсыз жұмыс режимін сағат 23:00-ге дейін шектей отырып рұқсат етілсін.

  1. Қаулы меншік нысанына қарамастан барлық жеке және заңды тұлғалардың орындауы үшін міндетті.
  2. Осы қаулы барлық мүдделі ведомстволардың назарына жеткізілсін, халықты БАҚ және әлеуметтік желілер арқылы хабардар етсін.
  3. Осы қаулының орындалуын бақылауды өзіме қалдырамын.
  4. Осы қаулы қол қойылған күнінен бастап күшіне енеді және оның ресми күші жойылғанға дейін қолданылады.

М. О.

Шығыс Қазақстан облысының

Бас мемлекеттік санитариялық дәрігері _____________М. Исмаилов

Дата публикации
23 августа 2020