Шығыс Қазақстан облысының Бас мемлекеттік санитариялық дәрігерінің Шығыс Қазақстан облысы аумағында Құрбан айт мерекесі күндері коронавирустық инфекцияның таралуына ықпал ететін көпшілік іс-шараларды өткізуге тыйым салу туралы 28.07.2020 жылғы №19 ҚАУЛЫСЫ

Шығыс Қазақстан облысы аумағында Құрбан айт мерекесі күндері

коронавирустық инфекцияның таралуына ықпал ететін

көпшілік іс-шараларды өткізуге тыйым салу туралы

№ 19

ҚАУЛЫ

 

 

2020 жылғы 28 шілде                                                                          Өскемен қаласы

 

 

Мен, Шығыс Қазақстан облысының Бас мемлекеттік санитариялық дәрігері   М. А. Исмаилов, Шығыс Қазақстан облысы халқының арасында COVID-19 коронавирустық инфекциясының (бұдан әрі – COVID-19) таралуының алдын алу мақсаатында,

«Денсаулық сақтаудың кейбір мәселелері туралы» Қазақстан Республикасы Денсаулық сақтау министрінің 2020 жылғы 06 мамырдағы № ҚР ДСМ-45/2020 бұйрығымен (Нормативтік құқықтық актілерді мемлекеттік тіркеу тізілімінде                  № 20596 тіркелген) енгізілген өзгерістер мен толықтырулармен, «Пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулардың тізбесін бекіту туралы» Қазақстан Республикасы Ұлттық экономика министрінің 2015 жылғы 25 ақпандағы № 130 бұйрығына (Нормативтік құқықтық актілерді мемлекеттік тіркеу тізілімінде № 10527 болып тіркелген); 

«Денсаулық сақтаудың кейбір мәселелері туралы» Қазақстан Республикасы Денсаулық сақтау министрінің 2020 жылғы 06 мамырдағы № ҚР ДСМ-45/2020 бұйрығымен (Нормативтік құқықтық актілерді мемлекеттік тіркеу тізілімінде          № 20596 тіркелген) енгізілген өзгерістер мен толықтырулармен, «Қазақстан Республикасының аумағында шектеу іс-шараларын, оның ішінде карантинді жүзеге асыру қағидаларын бекіту туралы» Қазақстан Республикасы Ұлттық экономика министрінің 2015 жылғы 20 наурыздағы № 239 бұйрығына (Нормативтік құқықтық актілерді мемлекеттік тіркеу тізілімінде № 10826 болып тіркелген);

«Қатаң карантиндік шектеу шараларын енгізу туралы» Қазақстан Республикасының Бас мемлекеттік санитариялық дәрігерінің 2020 жылғы                        03 шілдедегі  № 44 қаулысына сәйкес,

ҚАУЛЫ ЕТЕМІН:

  1. Қалалар мен аудандар әкімдеріне, Шығыс Қазақстан облысының полиция департаментіне, Шығыс Қазақстан облысының дін істері басқармасына, қалалық және аудандық тауарлар мен көрсетілетін қызметтердің сапасы мен қауіпсіздігін бақылау басқармаларына және мешіт имамдарына Құрбан айт мерекесі кезінде 2020 жылғы 31 шілде сағат 00:00-ден 2020 жылғы 02 тамыз сағат 23:55-ке дейін:

1) меншік нысанына қарамастан барлық ұйымдарда, сондай-ақ жеке меншік үйлер мен медреселерде адамдар көп жиналатын іс-шараларды өткізуге;

2) автомашиналардан және жеке меншік үй иеліктерінен мал сатуға;

3) онлайн режимде құрбандық шалуды өткізу үшін жергілікті атқарушы органдар айқындаған орындардан басқа жерлерде мал союды ұйымдастыруға және өткізуге тыйым салынсын;

4) 2020 жылғы 30 шілдеден сағат 18:00-ден бастап 02 тамыз сағат 23:55-ке дейінгі аралықта жергілікті атқарушы органдардың шешімі бойынша онлайн режимінде құрбандық шалуды жүзеге асыратындарды қоспағанда, мал сою цехтарының және ІҚМ және ҰҚМ сату базарларының жұмысы тоқтатылсын;

5) БАҚ арқылы онлайн режимінде құрбандық шалуды ұйымдастыру туралы халыққа түсіндіру жұмыстары жүргізілсін.

  1. ҚР АШМ Ветеринариялық бақылау және қадағалау комитетінің аумақтық инспекциясы 2020 жылғы 30 шілдеден бастап 2020 жылғы 02 тамызға дейін Шығыс Қазақстан облысының аумағында мемлекеттік ветеринариялық-санитариялық бақылауды және қадағалауды күшейтсін.
  2. Қалалар мен аудандар әкімдері, Шығыс Қазақстан облысының полиция департаменті, Шығыс Қазақстан облысының дін істері басқармасы, мешіт имамдары 2020 жылдың 31 шілдесі мен 2 тамызы аралығында Құрбан айт мерекесін тойлау кезеңінде:

1) Qurban2020.kz сайтына өтінім бере отырып, онлайн режимде құрбандық шалуға рұқсат етсін;

2) «Құрбан айт» мерекесін ұйымдастыру мәселелерін халыққа түсіндіру үшін Call-орталықтың жұмысын ұйымдастырсын;

3) мұқтаж адамдарға таратуға тартылған адамдарды жеке қорғаныш құралдарымен қамтамасыз ете отырып, тез бұзылатын өнімдерді (құрбандыққа шалынған малдың етін) сақтау және тасымалдау жөніндегі санитариялық-эпидемиологиялық ережелер талаптарының сақталуын қамтамасыз етсін.

  1. Қалалар мен аудандардың әкімдері, Шығыс Қазақстан облысының полиция департаменті қоғамдық тәртіп пен қауіпсіздікті қамтамасыз етсін, адамдардың жаппай жиналуына жол бермесін.
  2. Осы қаулы меншік нысанына қарамастан барлық жеке және заңды тұлғалардың орындауы үшін міндетті.
  3. Осы қаулы барлық мүдделі ведомстволар назарына жеткізілсін, халықты БАҚ және әлеуметтік желілер арқылы хабардар етсін.
  4. Осы қаулының орындалуын бақылау Шығыс Қазақстан облысының полиция департаментіне, қалалық және аудандық әкімдіктерге және ҚР АШМ Ветеринариялық бақылау және қадағалау комитетінің аумақтық инспекциясына, қалалық және аудандық тауарлар мен көрсетілетін қызметтердің сапасы мен қауіпсіздігін бақылау басқармаларына жүктелсін.
  5. Осы қаулы қол қойылған күнінен бастап күшіне енеді және 2020 жылғы 02 тамыз сағат 23:55-ке дейін қолданылады.

 

 

М. О.

Шығыс Қазақстан облысының

Бас мемлекеттік санитариялық дәрігері      _________________М. Исмаилов

Дата публикации
29 июля 2020