ШҚО Бас мемлекеттік санитариялық дәрігері орынбасарының Шығыс Қазақстан облысы аумағында карантиндік шараларды өзгерту туралы № 5 ҚАУЛЫСЫ

Шығыс Қазақстан облысы аумағында

карантиндік шараларды өзгерту туралы

№ 5

ҚАУЛЫ

 

 

2020 жылғы 29 сәуір                                                            Өскемен қаласы

 

 

Мен, Шығыс Қазақстан облысының Бас мемлекеттік санитариялық дәрігерінің орынбасары М. А. Исмаилов, құжаттарды:

«Қазақстан Республикасында төтенше жағдайды ұзарту туралы» Мемлекет Басшысы Қасым-Жомарт Кемелұлы Тоқаевтың 2020 жылғы                   29 сәуірдегі №310 жарлығын;

Қазақстан Республикасы Президентінің жанындағы төтенше жағдай режимін қамтамасыз ету жөніндегі мемлекеттік комиссия отырысының                     2020 жылғы 27 сәуірдегі №16 хаттамасын;

Қазақстан Республикасында және Шығыс Қазақстан облысында COVID-19 туындаған коронавирустық инфекция бойынша санитариялық-эпидемиологиялық ахуалдың жедел мәліметтерін қарап,

«Халық денсаулығы және денсаулық сақтау жүйесі туралы» Қазақстан Республикасы Кодексінің 21-бабы 13-тармағы 4) тармақшасының негізінде ҚАУЛЫ ЕТЕМІН:

  1. Облыс әкімдігі:

1) Шығыс Қазақстан облысы аумағында коронавирустық инфекцияның таралуы бойынша эпидемиологиялық жағдайға байланысты қызметін кезең-кезеңімен қайта жаңғыртуға жататын кәсіпорындар мен кәсіпкерлік субъектілерінің тізбесі мен түрлерін анықтауды және бекітуді;

2) санитариялық-эпидемиологиялық қауіпсіздік нормаларын сақтай отырып, адамдар аз жиналатын және эпидемиологиялық маңыздылығы төмен объектілердің:

- жұмыс режимін сағат 17.00-ге дейін шектей отырып, ауданы 500 м2 аспайтын азық-түлік тауарларын сатпайтын көтерме, көтерме-бөлшек және бөлшек сауда объектілерін;

 

- бір клиентке қызмет көрсете отырып, алдын ала жазылу бойынша шаштараздарды;

- гүл өнімдерін сату бойынша сауда орындарын;

- төтенше жағдайға жедел әрекет ету штабының шешімі бойынша басқа да объектілерді/бағыттарды жұмыс режиміне бірінші кезекте көшуін;

3) қоғамдық орындарды, саябақтарды, гүлбақтарды, аула ішіндегі алаңдарды, үй жанындағы балалардың ойын және спорт алаңдарын дезинфекциялық өңдеуді ұйымдастыруды және жүргізуді қамтамасыз етсін.

  1. Саяжай алаптарына «мемлекеттік нөмірдің соңғы цифрының саны тақ немесе жұп сан» қағидасы бойынша көлік құралдарының жүріп-тұру шектеулеріне сәйкес, ал саябақтарға, гүлбақтарына, жағалауларға, аула ішіндегі алаңдарға, үй жанындағы балалардың ойын және спорт алаңдарына, рекреация аймақтарына келесідей шарттар сақталған жағдайда баруға рұқсат етіледі:

- жеке тұлғалар арасында кемінде 2 метр әлеуметтік қашықтық қамтамасыз етілген кезде;

- кәмелетке толмағандарға ата-анасының біреуінің ілесуінсіз немесе 18 жастан асқан туыстарының ілесуінсіз жүруге тыйым салынады;

- 65 жастан асқан тұлғаларға адамдар көп жиналатын жерлерге барудан бас тарту ұсынылады;

- саяжай учаскелеріне бөгде адамдарды шақыруға және мерекелік-демалыс іс-шараларын өткізуге тыйым салынады;

- бау-бақша кооперативтерінің (серіктестіктер) ішінде жүріп-тұру шектеледі;

- саяжай учаскелеріне баратын жол бойында қоғамдық көлікте маскалық режим сақталады.

  1. «Шығыс Қазақстан облысы аумағында карантин режимін енгізу туралы» Шығыс Қазақстан облысының Бас мемлекеттік санитариялық дәрігері орынбасарының 2020 жылғы 16 сәуірдегі № 3 қаулысы қосымшасының 5), 16) тармақшалары алынып тасталсын, 9) тармақ мына редакцияда баяндалсын «қызмет көрсету саласының объектілері (шаштараз, сұлулық салондары, СПА-салондары, массаж жасау орталықтары, қоғамдық моншалар, сауналар және т. б.)»;
  2. Осы қаулының 1-қосымшасына сәйкес қызметті кезең-кезеңмен қайта жаңғыртуға жататын кәсіпорындар мен кәсіпкерлік субъектілеріне арналған санитариялық-эпидемиологиялық қауіпсіздік нормалары бекітілсін.
  3. Осы қаулының 2-қосымшасына сәйкес кәсіпорындар мен ұйымдар және кәсіпкерлік субъектілеріне арналған санитариялық-эпидемиологиялық қауіпсіздік нормалары бекітілсін.
  4. Шығыс Қазақстан облысының полиция департаменті:

саяжай алаптарын, саябақтарды, гүлбақтарды, жағалауларды, аула ішіндегі алаңдарды, үй жанындағы балалардың ойын және спорт алаңдарын, рекреация аймақтарын осы қаулының 2- тармағында белгіленген шарттардың сақталуына патрульдеу ұйымдастырсын.

  1. Қалалық және аудандық тауарлар мен көрсетілетін қызметтердің сапасы мен қауіпсіздігін бақылау басқармалары:

1) қызметін кезең-кезеңімен жаңартуға жататын кәсіпорындар мен кәсіпкерлік субъектілерінің меншік иелерін карантиндік шараларды жеңілдету кезеңіндегі жұмыс жағдайларымен таныстырсын;

2) қызметін кезең-кезеңімен қайта жаңартуға жататын кәсіпорындар мен кәсіпкерлік субъектілері санитариялық-эпидемиологиялық қауіпсіздік нормаларының сақталуына бақылау жасауды қамтамасыз етсін;

3) міндетті санитариялық-эпидемиологиялық қауіпсіздік нормаларын  сақтамаған жағдайда, әкімшілік ықпал ету шаралары қабылдансын.

  1. Осы қаулының орындалуын бақылауды өзіме қалдырамын.
  2. Осы қаулы 2020 жылдың 4 мамырынан бастап күшіне енеді және оның ресми күші жойылғанға дейін қолданылады.

 

 

М. О.

Шығыс Қазақстан облысының

Бас мемлекеттік санитариялық

дәрігерінің орынбасары                           __________________М. Исмаилов

Дата публикации
04 мая 2020