Қостанай облысының «Атамекен» өңірлік кәсіпкерлер палатасының базасында білім беру объектілерінде тамақтануды ұйымдастыру, өндірістік бақылауды жүзеге асыру және тамақтан уланудың алдын алу мәселелері бойынша бірлескен семинар-кеңес өткізілді.
Семинарға Қостанай облысы әкімдігінің білім басқармасының өкілдері, білім бөлімдерінің басшылары, жалпы білім беру ұйымдарының директорлары, білім беру объектілерінде тамақтану қызметтерін ұйымдастырушылар және аумақтық санитариялық-эпидемиологиялық бақылау басқармаларының мамандары қатысты.
Семинар барысында тамақтануды ұйымдастырудың негізгі қағидаттары, инфекциялық емес аурулардың, оның ішінде семіздіктің алдын алу мәселелері, ас қорыту органдарының патологиясын төмендетуге бағытталған профилактикалық іс-шаралар, мектептерде ауызсу режимін ұйымдастыру, өндірістік бақылауды жүзеге асыру, білім беру ұйымдарында қоғамдық тамақтандыру объектілерінде тамақтан улануды болдырмау жөніндегі профилактикалық іс-шаралар қаралды.
Департамент бөлімдерінің басшылары Р.Ж. Таженова, Н.И. Гаценбеллер, бас маман Е. В. Ляхова баяндама жасады.
Баяндамашылар рұқсат беру құжаттарының, сатылатын өнімнің сұрыптамасының, азық-түлік өнімдеріне ілеспе құжаттарға және өндірістік құжаттаманы жүргізуге қойылатын талаптарға қатысты толық жауаптар берді.
Семинар-кеңестің қорытындысы бойынша ас блогындағы санитариялық талаптарды сақтау, мектептерде тамақтандыруды ұйымдастырумен байланысты тамақтан улануды болдырмау, объектіде тиісті санитариялық жағдайды қамтамасыз ету үшін өндірістік бақылау жүргізу бойынша ұсыныстар берілді.