БҮГІН, 7 қарашада "Денсаулықты нығайтуға ықпал ететін мектептер" бағдарламасын енгізу жөніндегі іс-шараларды іске асыру барысына арналған ведомствоаралық жұмыс кеңесі өтті.
Іс-шараға облыстық санитариялық-эпидемиологиялық бақылау департаментінің және аумақтық басқармалардың басшылығы, басқарма мамандары, Қарағанды облысының білім басқармасының басшылығы, мамандары, сондай-ақ қалалық және аудандық білім бөлімдері мен жалпы білім беретін мектептердің директорлары қатысты.
Отырысты ашқан спикерлер оқушылардың денсаулығын нығайту білім беру және денсаулық сақтау саласындағы мемлекеттік саясаттың басым бағыттарының бірі екенін атап өтті.
Департамент басшысы Юрий Залыгин өз сөзінде бағдарламаның басты мақсаты - мектеп ортасының денсаулығын сақтау, білім алушылар мен ұстаздардың салауатты өмір салты мәдениетін дамыту, сондай-ақ балалар мен жасөспірімдердің денсаулығын сақтау саласындағы ведомствоаралық өзара іс-қимылды нығайту туралы айтып өтті.
Кеңес барысында ағымдағы жылдың шілде айында Қарағанды облысында басталған осы бағдарламаны енгізу бойынша іс-шараларды іске асыру, мектептерде тамақтану сапасын бағалауды ұйымдастыру мәселелері қаралды, сондай-ақ проблемалық мәселелер талқыланып, оларды шешу жолдары айқындалды.
Кеңес соңында Дулат Жекебаев және Юрий Залыгин қатысушыларға сындарлы диалог үшін алғыс айтып, отырыс қорытындысы бойынша нақты орындау мерзімдерімен хаттамалық тапсырмалар дайындалатынын атап өтті.