ХХІ ғасырда қала тұрғынының орташа физикалық жүктемесі өткен ғасырлармен салыстырғанда 50 есеге азайды. Адамдар аз қозғалатын және отыру өмір салтын жүргізеді, соның салдарынан оларда қозғалыс белсенділігінің және бұлшық еттерінің жиырылу күшінің төмендеуі –гиподинамия дамиды.
Гиподинамия – жүрек-тамыр жүйесі ауруларының, әсіресе инсульт, семіздік, қант диабеті, остеопороз және басқа да аурулардың дамуының себебі. Гиподинамияның дамуын болдырмау үшін және көптеген өлімге әкелетін аурулардың пайда болу қаупін азайту үшін, Сіз белсенді қозғалуыңыз керек, мысалы аптасына кемінде 10 сағат жүруіңіз керек.
Физикалық белсенділікті арттырғысы келетіндерге арналған бірнеше қарапайым кеңестер:
• Көп қозғалуға тырысыңыз.
• Күніне үш рет қарапайым жаттығуға 10 минут жұмсаңыз: тұрыңыз, денеңізді түзу ұстаңыз және жүріңіз.
• Баспалдақпен жаяу жоғары көтеріліңіз және төмен түсіңіз.
• Жұмысқа баратын жолдың бір бөлігін жаяу жүруге немесе жұмыстан жаяу қайтуға тырысыңыз.
• Егер сіз көлікпен жүрсеңіз, қосымша 100-200 метр жаяу жүру үшін көлікті алшақтау тұраққа қойыңыз.
• Балаларыңыздың немесе достарыңыз бен туыстарыңыздың балаларының белсенді ойындарына қатысыңыз.
• Дүкенге барғанда және қайтқанда жаяу жүріңіз.
• Қолдан келетін физикалық жұмыстарды үнемі орындауға тырысыңыз, мысалы, бау-бақшада.
• Табиғатта жиі болыңыз.