Қазақстан Республикасында, оның ішінде Алматы облысының аумағында COVID-19 коронавирустық инфекциясымен сырқаттанушылықтың күрделі эпидемиологиялық жағдайына байланысты және Бас мемлекеттік санитариялық дәрігердің қаулысын орындауда, адамдар көп жиналатын барлық бұқаралық мерекелік іс-шараларға, оның ішінде ертеңгіліктер өткізуге қатаң тыйым салынған.
Балалардың тамақтан улануы ересектерге қарағанда әлдеқайда ауыр өтеді, бұл бала денесінің физиологиялық ерекшеліктерімен түсіндіріледі: асқазан сөлінің төмен қышқылдығы, ішек микрофлорасы қалыптасуының аяқталмауы, удың тез сіңуі және оның бүкіл денеге таралуы, бауырдың дезинтоксикациялық қабілеттілігі мен бүйректің сүзу функциясының салыстырмалы түрде төмендігі және т. б. Көбінесе ересек адамда улану белгілерін тудырмайтын бірдей өнімдер, балаларда тамақтан уланудың себебі болып табылады.
Осыған байланысты, Алматы облысының санитариялық-эпидемиологиялық бақылау департаменті балалар мен жасөспірімдер арасындағы тәрбие және білім беру объектілерінде жұқпалы аурулар мен тамақтан уланудың пайда болуы мен таралуын болдырмау мақсатында әкімшілікке үй тамағын пайдалануға жол бермеуді ұсынады.
Айта кету керек, әр балабақша мен мектепте балаларға орталықтандырылған түрде таңғы ас пен түскі ас дайындалатын ас блогы бар, олармен бірге мәзірге ұлттық тағамдардың аздаған мөлшерін қосуды ұйымдастыру керек.
Құрметті ата-аналар мен мұғалімдер, уланудан алдын-алудың ең жақсы жолы – бұл хабардарлық пен қырағылық екенін ұмытпаңыз. Сондықтан Сіздерді, мұқият болуға және өз денсаулығыңыз бен балаларымыздың денсаулығына құрметпен қарауға шақырамыз.