Улы химикаттарды күнделікті өмірде қолдануға кеңес

Көшеде, жұмыста және үйде біздің айналамызда көзге көрінбейтін «жаулар» жасырылады: түрлі жәндіктер және кеміргіштер, бұл адам денсаулығына өте қауіпті, сонымен қатар психологиялық және эстетикалық тұрғыдағы проблема.

Қазіргі уақытта ел бойынша күнделікті өмірде жәндіктерді жою арқылы тұрғындар арасында улану оқиғалары жиілеп кетті, ал кейбір жағдайларда олар өлімге алып келді.

Сіздер білетіндей дезинсекция бұл зиянды жәндіктерді (бүрге, тарақандар және т.б.) жою болып табылады. Кейбір кезде өрістерді өңдеуге арналған инсектицидтерді қолдану жағдайлары да бар.

Әр түрлі жәндіктермен және кеміргіштермен күресудің әр түрлі әдістері қолданылады. Солардың бірі ең тиімді әдіс ретінде – химиялық. Тұрмыстағы тіркелген улану жағдайларын талдау кезінде жәндіктерді жою үшін аэрозоль түріндегі заттардың қолданылғандығы және сақтық шаралардың сақталмағандығы анықталды.

Көптеген тұрғындар бұл проблемамен жеке күреседі, сауда базарында жәндіктерді және кеміргіштерді жою үшін улы химикаттардың көптеген түрлерін ұсынады. Улы химикаттарды сатып алғанда оның таңбалауына, пайдалану нұсқамаларына назар аударыңыз немесе осы қызмет түрін көрсететін ұйыммен келісім – шарт жасаңыз.

Барлық заттарды мұқият пайдаланбаған жағдайда терінің қызаруы, бөртпелер және қышу түрінде жергілікті аллергиялық реакцияны тудыратын тітіркендіргіш және токсикалық әсерлер беруі мүмкін. Улану кезінде жалпы әлсіздік, тұншығу, жөтел, жүрек айну, құсу, бас айналу сияқты белгілер пайда болады. Жоғарыда көрсетілген белгілер пайда болған жағдайда дәрігердің көмегіне жүгіну қажет.

Уланудың алдын алу үшін келесі қауіпсіздік ережелерін сақтау керек:

1. Барлық тауарларда қауіпсіздікті растайтын құжаттар болуы керек, Сіз оны сатушыдан (реализатор) немесе осы қызмет түрін көрсететін жұмысшыдан сұрауға құқылысыз.
2. Заттар жалпыға пайдалану үшін қол жетімсіз қараңғы бөлмелерде сақталуы керек.
3. Өңдеу жұмыстарын жүргізер алдында барлық көршілеріңізді хабардар етіңіз, мүмкіндігіңізше желдеткіш саңылауларын қолда бар кез келген құралдармен (газет, қағазбен) жабыңыз, тамақ өнімдерін, балалардың ойыншықтарын, киім – кешектерді қол жетімді емес жерлерде немесе тығыз жабық контейнерлерге салыңыз.
4. Агрессивті химикаттармен жұмыс кезінде жеке қорғаныс құралдарын қолданыңыз: резеңке қолғап, дәке маскасы, алжапқыш.
5. Өңдеу жұмыстарынан кейін жуғыш ерітінділерді қолданып үй-жайларды жақсылап жуыңыз және бөлмені желдетіңіз.

ЕСІҢІЗДЕ БОЛСЫН! Сіздің және жақындарыңыздың денсаулығы тек Сіздің қолыңызда.