Алматы облысында мемлекеттік санитариялық – эпидемиологиялық бақылау мен қадағалауда тұрған эпидемиялық маңыздылығы жоғары объектілерге ерекше тәртіп бойынша тексерістер жүргізілуде.
Тексерулер жүргізудің жартыжылдық жиынтық кестесі Қазақстан Республикасы Бас прокуратурасының интернет – ресурсында орналастырылған.
Жалпы облыс бойынша 2021 жылғы 1 жартыжылдығына 852 объект жоспарланған, оның ішінде қазіргі уақытта 81 объект (9,5%) тексеріспен қамтылды.
Жүргізілген тексерістердің нәтижесінде 76 объектіде санитариялық талаптардың бұзушылықтар анықталды (137-өрескел, 103-елеулі, 44-елеусіз). Анықталған бұзушылықтар бойынша жауапты тұлғаларға тиісті әкімшілік шаралар қолданылды және халықтың санитариялық-эпидемиологиялық саламаттылығы саласындағы Қазақстан Республикасы заңнамасының талаптарын бұзушылықтарды жою туралы ұйғарымдар берілді.
Ерекше тәртіп бойынша тексерістер жалғасуда.