Іріңді-септикалық инфекциялардың алдын алу – пациент қауіпсіздігінің кепілі

Іріңді-септикалық инфекциялардың алдын алу – пациент қауіпсіздігінің кепілі

Іріңді-септикалық инфекциялар – патогенді микроорганизмдердің жараға, тіндерге немесе қанға түсуінен дамитын жұқпалы аурулар. Олар операциядан кейінгі кезеңде, босану кезінде, жарақаттардан немесе басқа медициналық араласулардан кейін асқыну тудыруы мүмкін.

Халықаралық зерттеулер көрсеткендей, медициналық көмек көрсетуге байланысты инфекциялар әлем бойынша асқынулардың жиі кездесетін себептерінің бірі болып табылады. Дегенмен, олардың көпшілігінің алдын инфекциялық бақылау талаптарын сақтау арқылы алуға болады.

Қауіп тобына жататындар:

🔹 хирургиялық операция жасалған пациенттер;

🔹 жаңа туған нәрестелер мен босанған әйелдер;

🔹 реанимация және қарқынды терапия бөлімшелеріндегі пациенттер;

🔹 иммунитеті төмен және созылмалы аурулары бар адамдар.

 

Алдын алудың негізгі қағидалары:

✔️ қол гигиенасын сақтау;

✔️ асептика және антисептика талаптарын қатаң орындау;

✔️ медициналық бұйымдарды сапалы дезинфекциялау және стерилизациялау;

✔️ операциядан кейінгі жараларды уақтылы өңдеу;

✔️ антибиотиктерді ұтымды пайдалану;

✔️ медициналық ұйымдарда санитариялық-эпидемияға қарсы режимді сақтау.

Инфекциялық қауіпсіздік – тек медицина қызметкерлерінің ғана емес, пациенттер мен келушілердің де ортақ жауапкершілігі. Қарапайым қол гигиенасының өзі инфекцияның таралуын болдырмауға көмектеседі.

 

Қауіпсіз медициналық көмек – тиімді инфекциялық бақылаудан басталады.