Дерматомикоздың алдын алу шаралары

Дерматомикоздың алдын алу шаралары

Ағымдағы жылы дерматомикозбен сырқаттанушылықтың өткен жылдың сәйкес кезеңімен салыстырғанда 30% - ға өсуі байқалады. Жалпы облыс бойынша дерматомикоздың 300 – ден астам жағдайы тіркелді, оның ішінде науқастардың негізгі үлесін -  86%-н 14 жасқа дейінгі балалар құрады. Жұқпалы тері аурулары балалар ұжымында оңай таралуына орай қауіпті. Бұл балалар арасындағы тығыз байланысқа және жеке гигиена ережелерін сақтамауға байланысты.

            Дерматомикоздың алдын алу шаралары:

• Жеке гигиена ережелерін сақтаңыз және балаларды тәрбиелеңіз;
• Жеке гигиена заттары мен аяқ киімді жеке пайдаланыңыз. Өзге адамдардың заттарын пайдалану қоздырғыштың науқас адамнан сау адамға жұғуына әкеледі;
• Аяқ киімді таза ұстаңыз. Жылы мезгілде ашық, жақсы желдетілетін аяқ киім киіңіз;
• Қоғамдық моншаларда, сауналарда, бассейндерде ортақ заттарды пайдаланбаңыз;
• Қаңғыбас жануарлармен байланыста болудан аулақ болыңыз.

            Дерматомикоздың алдын алу мақсатында балаларды ұйымдасқан ұжымдарға қабылдаған кезде, жазғы демалыстан кейінгі алғашқы екі апта ішінде - мектеп оқушыларын тері ауруларына  міндетті түрде  тексеру қажет. Егер теріде және бас терісінде бөртпелер анықталған жағдайда, диагнозды уақтылы анықтау және емдеу үшін дереу дерматолог – дәрігерге қаралу керек.