2025 жылдың 7 айында облыста вирустық А гепатитінің 82 жағдайы тіркелді, өткен жылдың сәйкес кезеңімен салыстырғанда сырқаттанушылықтың 2,7 есе төмендеуі байқалады. Айта кету керек, балалар жұқпалы аурумен жиі сырқаттанады, тіркелген жағдайлардың 34% 14 жасқа дейінгі балаларға тиесілі.
Вирустық А гепатиті – жұқпалы аурумен тек адамдар сырқатттанады. Вирус қоршаған ортаға нәжіспен таралады. Инфекция фекальды-оральды механизмімен беріледі, су, тағам, тұрмыстық - қатынастық жолдармен жүзеге асырылады. Вируспен ластанған суды және тағам өнімдерін, сондай-ақ науқас қолданған ыдыс-аяқты, ойыншықтарды, жеке күтім заттарын және т.б. пайдалану арқылы жұқтырады.
А гепатит вирусы сыртқы ортаның әсеріне өте төзімді: төмен және жоғары температураға сезімтал емес (60°C дейін қыздыру 30 минутқа төтеп береді, 80°C температурада 5 минуттан кейін және қайнаған кезде – бірден жойылады), кептіруге, көптеген химиялық заттардың әсеріне және ультракүлгін сәулеленуге төзімді.
Вирустық А гепатитінің алдын алудың тиімді әдісі - вакцинация. Жұқпаға қарсы екпелер тіркелу орны бойынша медициналық ұйымдарда 2 жастағы балаларға және эпидемиологиялық көрсеткіштер бойынша жұқпа ошағында қарым – қатынаста болған 14 жасқа дейінгі балаларға жүргізіледі.
Сонымен қатар А вирустық гепатитінің алдын алудың қарапайым шараларын сақтау ұсынылады: