Сальмонеллез - бұл адам ағзасына тағам арқылы енетін Salmonella тұқымдасының бактериялары тудыратын жедел жұқпалы ауру.
Сальмонеллезді жұқтыру жолдары әртүрлі: әдетте тағам, оның ішінде жануарлар мен құстардың етін, сондай-ақ жұмыртқаны пайдалану арқылы жұғады. Микроорганизмдер тағамға жеткіліксіз өңдеудің (жартылай шикі стейктер, шикі пісірілген жұмыртқалар, глазунья) нәтижесінде, тағамды сақтау ережелерінің және жеке гигиена ережелерінің сақталмауы салдарынан енеді.
Инфекция көзі: жануарлар, көбінесе үй жануарлары (ірі қара, шошқа, мысық, ит), құстар, сальмонеллезбен ауыратын сырқаттар немесе инфекцияның сау тасымалдаушылары болуы мүмкін. Сондай – ақ, ластанған суды ішу немесе шомылу кезінде суды жұту арқылы жұқтырып алу мүмкін. Әсіресе, сарқынды сулармен ластанған ашық су қоймаларының суы - нақты эпидемиялық қауіпті тудырады.
Әдетте сырқаттанушылық жедел гастрит, гастроэнтерит немесе гастроэнтероколит түрінде, сирек септикопиемия түрінде өтеді, аурудың белгілері айқын көрінуі мүмкін немесе болмауы да мүмкін. Алайда, көп жағдайда: дене қызуының жоғарылауы, жалпы әлсіздік, бас ауруы, жүрек айну, құсу, іштің ауруы, бірнеше рет сұйық, сулы нәжіс - белгілері байқалады. Аурудың ауыр ағымында дегидратация, бауыр мен көкбауырдың ұлғаюы, бүйрек жеткіліксіздігінің дамуы мүмкін.
Алдын алу шаралары