Неліктен вакцинация қажет және неге вакцинациядан бас тарту өте қауіпті?

Жер шарының халқы әрдайым дерлік баяу өсті: 1800 жылға қарай алғашқы миллиардқа жетті. Содан кейін екі ғасырда халық саны 7,5 миллиардқа дейін өсті. Эпидемия - адамзаттың көбеюін тоқтатуға әсерін тигізді, соның салдарынан көптеген адам өлім жағдайына ұшырады. Шешек жұқпасы ең қорқынышты аурулардың бірі, тек 18 ғасырда шешек ауруы 60 миллион адамды өлім жағдайына ұшыратты. Бірақ бүгін біз бұл туралы тек тарихтан есту арқылы білеміз: 1977 жылдан бастап әлемде шешек ауруы тіркелген жоқ.

Қорқынышты инфекцияларды жеңудің басты себебі - вакцинация. Вакцинацияның нәтижесінде біз көптеген ауруларды жеңдік немесе оларды жеңіл түрде өткере бастадық, өлім-жітім айтарлықтай төмендеді. Алайда, соңғы уақытта вакцинацияның қарсыластары пайда болды: ата-аналар балаларды вакцинациялаудан бас тартады, өйткені олар оның салдары туралы қорқынышты оқиғалардан қорқады.

Екпелер туралы негізсіз сындар, вакцинациядан кейінгі асқынулардың жекелеген жағдайларынан сенсацияны оятуға деген ұмтылыстан туындады. Ия, жанама әсерлер барлық дәрі-дәрмектерге, соның ішінде вакциналарға да тән. Бірақ вакцинациядан асқыну қаупі вакцинацияланбаған балалардағы жұқпалы аурудың салдарынан болатын қауіптен әлдеқайда аз. Әрине, түпкілікті шешімді ата-аналар қабылдауы керек, бірақ бұл шешім өте негізделген және жауапты болуы керек екенін есте ұстаған жөн. Өйткені, вакцинацияның орындылығы туралы күмән көбінесе қажетті ақпараттың болмауымен байланысты. Ал дәрігерлердің міндеті - ата-аналарға осы маңызды мәселені түсінуге көмектесу.

Әр бала жеке қаралатынын есте ұстаған жөн. Кез-келген егу алдында дәрігер баланы тексеріп, оны жүргізу мүмкіндігі туралы мәселені шешеді. Вакцинация егу күнтізбесіне сәйкес тағайындалады. Алайда, мысалы шала туылған немесе денсаулығында белгілі бір ауытқулары бар кейбір балаларда, вакцинаға медициналық қарсы көрсетілімдер болуы мүмкін. Вакцинация созылмалы аурудың жіті немесе өршу кезеңінде жүргізілмейді, олар жазылғанға дейін кейінге қалдырылады.

Егер вакцинация болмаған жағдайда, бізге төмендегідей қауіп төнер еді:

• қызылша - қайтыс болу ықтималдығы 100-ден 1 жағдай, мүгедектік

100-ден 5 жағдай;

• көкжөтел - тыныс алу және жүйке жүйесінің асқыну қаупі өте жоғары;
• дифтерия - 100 жағдайдың 10-нан өлім ықтималдығы;
• полиомиелит - ауыр мүгедектік қаупі;
• туберкулез - ұзақ емдеу, ауыр асқынулар;
• эпидемиялық паротит - бедеуліктің дамуы мүмкін;
• қызамық - бала кезінде ауырмаған немесе егілмеген, жүктілік кезінде ауырған әйелдерде мүгедек бала немесе тірі қалуы мүмкін  емес бала туылуы мүмкін;
• В гепатиті - бауырдың ауыр зақымдануының жоғары қаупі (қатерлі ісікті қоса алғанда).

Егуден бас тартудың салдары:

Егер ата-аналар әлі де баланы вакцинациялаудан бас тартуды шешсе, онда олар егілмеген мәртебенің не екенін түсінуі керек. Микробтар мен вирустарға толы әлемге толығымен қорғалмаған нәресте шыққан кезде, оның анасы мен әкесі иммундық жүйені нығайту үшін қосымша шаралар қабылдауға міндетті және санитарлық-гигиеналық ережелерді қатаң сақтау керек, өйткені кез-келген бұзушылық жағдай инфекцияға әкелуі мүмкін.

Егер ересек адам тек өзі үшін жауап берсе, онда балаларды егуден бас тартқан ата-ана баласының денсаулығына қауіп төндіреді. Баланың кез-келген азамат сияқты құқығы, аурудан қорғану құқығы болып табылады. Балаңызды қорғай отырып, біз жақындарымызды, басқа балаларды да қорғаймыз. Біз қоғамда өмір сүріп жатырмыз, оқшауланбаймыз, байланыстардың қарқындылығы, қозғалыс жылдамдығы, қалалардағы халықтың тығыздығы өсуде. Біз өзімізді неғұрлым жақсы қорғасақ, жақын адамдарымызды соғұрлым жақсы қорғаймыз.

Инфекциялар әрдайым жақын екенін есте ұстаған жөн. Ата-аналар ойдан шығарылған қауіптерді және вакцинациядан бас тартудың нақты салдарын өлшеуі керек, өйткені емдеуге тырысқаннан гөрі алдын алу немесе ескерту дұрыс шешім болып табылады.