Безгек - plasmodium тұқымдасының паразиттері тудыратын, безгек ауыруының жалғыз тасымалдаушысы болып табылатын Anopheles тұқымдастығының масалары шағу арқылы адамдарға берілетін жұқпалы ауру.
Безгектің тасымалдаушысы - масалар, ағысы баяу тоғандарда, су қоймаларында, өзеннің ескі арналарында өсіп, көбейеді. Азияның тропикалық елдеріне, Африка, Латын Америкаға туристік сапарға белсенді шығу, инфекцияның пайда болу қауіпін жоғарлатады, сонымен қатар, біздің еліміздегі климаттық жағдайлар масалардың өмір сүруіне ешқандай кедергі келтірмейді. Бір сөзбен айтқанда, безгектің сырттан әкеліну жағдайларының пайда болу қаупі жоққа шығарылмайды.
Безгек ауруының алдын алу мақсатында, сәуір айынан бастап қазан айына дейін 6 кезеңмен Қапшағай су қоймасының 70,0 га көлеміне өңдеу жүргізіледі. Бүгінгі күні өңдеудің бірінші кезеңі 2024 жылдың 02 - 05 сәуір айы аралығында жүргізіліп, су қоймасы толық өңдеумен қамтылды.