Өнімнің санитариялық-эпидемиологиялық мониторингін жүргізу шеңберінде 2024 жылдың өткен кезеңінде Алматы облысы бойынша «Ұлттық сараптама орталығы» филиалының мамандары Алматы облысының санитариялық-эпидемиологиялық бақылау департаментінің лауазымды тұлғаларының нұсқамалары бойынша өнімнің (тауарлардың) 15 үлгісін (балалар мен жасөспірімдерге арналған киім, ашытқы, шыны жуатын сұйықтық) сатып алып, зерттеді.
Жүргізілген зерттеулер нәтижесінде Еуразиялық экономикалық одаққа мүше мемлекеттердің (Қырғызстан, Ресей) өндірісінің 2 сынамасы, басқа елдерден (Өзбекстан, Иран) әкелінетін 4 сынама техникалық регламенттердің талаптарына сәйкес келмеді. Зертханалық зерттеулердің нәтижелері бойынша барлық сынамалар таңбалау бөлігінде техникалық регламенттердің талаптарына сәйкес келмейтінін көрсетті.
Мониторинг нәтижелері бойынша Алматы облысының санитариялық-эпидемиологиялық бақылау департаменті санитариялық-эпидемиологиялық бақылау Комитетіне одан әрі талдамалық жұмысты жүргізу және басқару шешімдерін қабылдау үшін сәйкес келмейтін өнімнің анықталғаны туралы ақпарат жіберді.
Қазіргі уақытта осы бағыттағы жұмыс жалғасуда.