Алматы облысында қызылша сырқаттанушылығы бойынша эпидемиологиялық жағдайы тұрақты.
Ағымдағы жылы қызылшаның зертханалық расталған 66 жағдайы тіркелді. Науқастардың негізгі үлесін, яғни 92% - н 14 жасқа дейінгі балалар құрайды, оның ішінде 5 жасқа дейінгі балалар инфекцияға ең осал жас тобы болып қалуда, оларға сырқаттанушылықтың 86%-ы келеді.
Сонымен қатар, екпе алмағандар арасында жұқпалы аурудың тіркелуі жалғасуда, олар сырқаттанушылықтың жалпы үлесінің 88% құрайды. Оның ішінде, сырқаттанғандардың 38% вакцинация жасына жетпеген 1 жасқа дейінгі балаларға тиесілі, сырқаттанғандардың 33% медициналық қарсы көрсетілімдер себебінен егілмеген балалар, 24% вакцинациядан бас тартқан адамдар және науқастардың 5% қызылшаға қарсы вакцинация мәртебесі белгісіз.
Қызылшаға қарсы вакцинация - инфекцияның таралуын және ауыр асқынулардың даму қаупін айтарлықтай төмендетуге мүмкіндік беретін ең тиімді шара. Иммундаудың маңыздылығы - бұл вакцинацияланған адамды қорғап қана қоймай, сонымен қатар қоғамда ұжымдық иммунитетті қалыптастыруға ықпал етеді. Бұл өз кезегінде қоздырғыштың таралуын төмендете отырып, сырқаттанушылыққа осал топтарды қорғауға көмектеседі.