2023 жылғы 31 шілдеде «Сыбайлас жемқорлықтың алдын алу және оған қарсы іс-қимыл» № 4 Типтік базалық бағыт жобалар картасын іске асыру шеңберінде Алматы облысының санитариялық-эпидемиологиялық бақылау департаменті басшысының орынбасары – Әдеп жөніндегі уәкілі Гүлжан Нысанғалиқызы Аманова сыбайлас жемқорлыққа қарсы іс-қимыл мәселелері бойынша кезекті кеңес өткізді.
Кеңесте аудандық және қалалық санитариялық-эпидемиологиялық бақылау басқармаларының басшылары мен басшыларының орынбасарлары қатысты.
Кеңестің негізгі мақсаты – мемлекеттік қызметшілер арасында сыбайлас жемқорлыққа қарсы мәдениетті нығайту, сыбайлас жемқорлыққа төзбеушілікті қалыптастыру.
Гүлжан Аманова сыбайлас жемқорлыққа қарсы саясаттың негізгі қағидаттарын және оны іске асыруға бағытталған міндеттерді, сондай-ақ № 4 Типтік базалық бағыт жобалар картасын түсіндірді.
Сонымен қатар, Департамент басшысының орынбасары аумақтық басқармалардың басшыларына бағыныштылардың сыбайлас жемқорлық және әлсіз алдын алу жұмыстары үшін дербес жауапкершілік туралы, сондай-ақ негізсіз байыту үшін жауапкершілік енгізу туралы еске салды.