"Кейбір шектеу іс-шаралары туралы" Қаулысы

Мен, Ақтөбе облысының Бас Мемлекеттік санитариялық дәрігері Беркімбаева Нұрсұлу Алтынбекқызы, «Халық денсаулығы және денсаулық сақтау жүйесі туралы» Қазақстан Республикасы Кодексінің 150 бабы, Қазақстан Республикасы Ұлттық экономика министрінің 2015 жылғы 20 наурыздағы №239 бұйрығымен бекітілген, Қазақстан Республикасының аумағында шектеу іс-шараларын, оның ішінде карантинді жүзеге асыру қағидасының 2 тармағына, «Қазақстан Республикасының халқы арасында коронавирустық инфекция ауруының алдын алу жөніндегі шараларды одан әрі күшейту туралы» Қазақстан Республикасы Бас Мемлекеттік санитариялық дәрігерінің 2020 жылғы 22 мамырдағы №37 қаулысына сәйкес, Ақтөбе облысының білім беру саласының қызметкерлері арасында коронавирустық инфекциямен сырқаттанушылықтың тіркелуіне байланысты және оның одан әрі таралуына жол бермеу мақсатында, ҚАУЛЫ ЕТЕМІН:

  1. Ақтөбе қаласының және облыс аудандарының әкімі, Ақтөбе облысының білім басқармасы және меншік нысанына қарамастан кәсіпкерлік субъектілері қызметінің тоқтатылуын 2020 жылдың 25 маусымынан бастап қамтамасыз етсін:

1) меншік нысанына қарамастан мектепке дейінгі балалар мекемелері;

2) меншік нысанына қарамастан, білім беру орталықтары, үйірмелер, қосымша білім беру орталықтары (репетитор, тілдік), олардың онлайн режимінде жұмыс істеуін қоспағанда.

  1. «Ақтөбе облысының Бас Мемлекеттік санитариялық дәрігерінің 26.05.2020 жылғы №ПГСВ-28 қаулысына өзгерістер енгізу туралы және Ақтөбе облысы тұрғындары арасында COVID-19 ауруын алдын алу бойынша шектеу шаралары жөніндегі» Ақтөбе облысының Бас Мемлекеттік санитариялық дәрігерінің 31.05.2020 жылғы №ПГСВ-30 қаулысының 2-тармағының 5) тармақшасы алынып тасталсын;
  2. "Ақтөбе облысының аумағында шектеу шараларын күшейту туралы" Ақтөбе облысының Бас Мемлекеттік санитарлық дәрігерінің 12.06.2020 жылғы №ПГСВ-33 қаулысының 2-тармағының 8) тармақшасы алынып тасталсын.
  3. Осы қаулының орындалуын бақылауды өзіме қалдырамын.
  4. Осы қаулы қол қойылған күнінен бастап күшіне енеді

Ақтөбе облысының

Бас Мемлекеттік

санитариялық дәрігері                                       Н.А. Беркімбаева

Дата публикации
24 июня 2020