Қазақстан Республикасы Бас Мемлекеттік санитариялық дәрігерінің Жаңа қаулылардың шығуына байланысты бүгін Ақтөбе облысының Бас Мемлекеттік санитариялық дәрігерінің ПГГСВ-8 қаулысы шықты.
Осы қаулыға сәйкес кәсіпкерлік объектілерде «Ashyq» мобильді қосымшасын пайдалану міндетті болып табылмайды және қызметін шектемей, субъектінің шешімі бойынша ерікті түрде жүзеге асырылуы мүмкін.
білім беру ұйымдарында келесідей талаптар алынып тасталды:
- әлеуметтік қашықтықты міндетті түрде сақтауға қойылатын;
- күн сайынғы «кіру» сүзгісіне қойылатын (жанаспайтын термометрмен термометрия).
«Ashyq» мобильді қосымшасын пайдалану, әлеуметтік қашықтықты сақтау және термометрия жүргізу білім беру ұйымдары әкімшілігінің шешімі бойынша ерікті түрде жүзеге асырылуы мүмкін.
Ақтөбе облысының тұрғындары сондай-ақ қоғамдық тамақтану орындарында тамақ ішу жағдайларын қоспағанда халықтың келуіне, қызмет көрсетуіне және демалуына арналған үй-жайларда, қоғамдық көлікте болған кезде медициналық немесе мата бетперделерін міндетті түрде тағу қажет, 5 жасқа дейінгі балаларды қоспағанда.