«Ақмола облысының аумағында шектеу карантиндік шараларын кезең-кезеңімен жеңілдету туралы» Ақмола облысының Бас мемлекеттік санитариялық дәрігерінің 2020 жылғы 15 тамыздағы № 103 қаулысына өзгерістер мен толықтырулар енгізу туралы
Ақмола облысының халқы арасында (COVID-19) коронавирустық инфекцияның таралуының алдын алу мақсатында, ҚАУЛЫ ЕТЕМІН:
- «Ақмола облысының аумағында шектеу карантиндік шараларын кезең-кезеңімен жеңілдету туралы» Ақмола облысының Бас мемлекеттік санитариялық дәрігерінің 2020 жылғы 15 тамыздағы № 103 қаулысына мынадай өзгерістер мен толықтырулар енгізілсін:
4-тармақтың 19) тармақшасы мынадай редакцияда жазылсын:
- ҚР БМСД № 47 қаулыға 5 қосымшаға сәйкес санитариялық нормаларға сәйкестік актісі болған жағдайда, сауда - ойын-сауық орталықтарының (балаларға арналған ойын-сауық орындарын қоспағанда), сауда үйлерінің (бутиктердің), сауда желілерінің қызметіне жұмыс күндері ғана рұқсат беру (келушілердің 30% - дан асырмай, мүмкіндігі есебінен 4 шаршы метрге 1 адам);
5-тармақтың 6) тармақшасы мынадай редакцияда жазылсын:
6) санитариялық нормаларға сәйкестік актісі болған жағдайда, жағалаудағы аймақтардың аумағындағы барлық түрдегі объектілердің, оның ішінде тамақ өнімдерін, балмұздақ, сусындар, гриль, донер, шаурма және басқа да фастфуд түрлерін, азық-түлік емес тауарларды және басқа да объектілерді өткізу жөніндегі сауда пункттерінің қызметіне рұқсат беру.
- Қаулы меншік нысанына қарамастан, барлық жеке және заңды тұлғалардың орындауы үшін міндетті.
- Осы қаулыны барлық мүдделі ведомстволардың назарына жеткізу, халықты бұқаралық ақпарат және әлеуметтік желілер арқылы хабардар ету.
- Осы қаулының орындалуын бақылауды өзіме қалдырамын.
- Осы қаулы қол қойылған күннен бастап күшіне енеді.