Педагогтердің кәсіби әдеп қағидаттарын жетілдіру мәселелері талқыланды
Білім саласында сапаны қамтамасыз ету комитеті Білім беруде академиялық адалдықты қамтамасыз ету жөніндегі меморандумды іске асыру бойынша 2026–2027 жылдарға арналған Жол картасы аясында жұмыс тобының отырысын ұйымдастырды.
Отырыс барысында педагогтердің кәсіби әдеп нормаларын заман талабына сай жетілдіру, білім беру ұйымдарында академиялық адалдық пен ашықтық қағидаттарын нығайту мәселелері талқыланып, қатысушылар өз ұсыныстарын білдірді.
Жұмыс тобының ұсыныстары негізінде педагогикалық әдеп нормаларын жетілдіру бойынша тиісті жұмыстар жүргізілетін болады.
1. Мемлекеттік қызметті алу үшін көрсетілетін қызметті алушы көрсетілетін қызметті берушіге «электрондық үкіметтің» www.egov.kz, www.elicense.kz веб-порталы (бұдан әрі - портал) арқылы өтінішті, осы Қағидаларға 1-қосымшаға сәйкес «Бастауыш, негізгі орта, жалпы орта, техникалық және кәсіптік, орта білімнен кейінгі білім беру, діни білім беру, кәмелетке толмағандарға білім беру-сауықтыру қызметтері саласында білім беру қызметімен айналысуға лицензия беру» мемлекеттік қызмет көрсетуге қойылатын негізгі талаптардың тізбесі (бұдан әрі – Негізгі талаптардың тізбесі) 8-тармағында көрсетілген құжаттарды жолдайды.
Мемлекеттік қызмет көрсету нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын талаптар негізгі талаптардың тізбесінде көрсетілген.
Порталда көрсетілетін қызметті алушының «жеке кабинетінде» мемлекеттік қызметті көрсету үшін өтінішті (сұранысты) қабылдау туралы мәртебе, сондай-ақ мемлекеттік көрсетілетін қызмет нәтижесін алу күні мен уақыты көрсетілген хабарлама көрсетіледі.
2. Көрсетілетін қызметті берушінің кеңсесі құжаттар түскен күні оларды қабылдауды, тіркеуді жүзеге асырады және жауапты құрылымдық бөлімшенің қызметкеріне орындауға береді. Көрсетілетін қызметті алушы еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде өтініштерді қабылдау және мемлекеттік қызмет көрсету нәтижелерін беру келесі жұмыс күні жүзеге асырылады.
Көрсетілетін қызметті берушінің жауапты құрылымдық бөлімшесінің қызметкері құжаттарды тіркеген сәттен бастап 2 жұмыс күні ішінде ұсынылған құжаттардың толықтығын тексереді.
Мемлекеттік ақпараттық жүйелерде қамтылған заңды тұлғаны мемлекеттік тіркеу (қайта тіркеу) туралы, медициналық қызметке лицензия туралы мәліметтерді көрсетілетін қызметті беруші тиісті мемлекеттік ақпараттық жүйелерден «электрондық үкімет» шлюзі арқылы алады.
Көрсетілетін қызметті алушы құжаттар топтамасын толық ұсынбаған және (немесе) қолданылу мерзімі өткен құжаттарды ұсынған жағдайда жауапты құрылымдық бөлімшенің қызметкері құжаттарды тіркеген сәттен бастап 2 жұмыс күні ішінде өтінішті одан әрі қараудан дәлелді бас тартуды дайындайды, ол көрсетілетін қызметті берушінің уәкілетті тұлғасының электрондық цифрлық қолтаңбасы (бұдан әрі – ЭЦҚ) қойылған электрондық құжат нысанында көрсетілетін қызметті алушының порталдағы «жеке кабинетіне» жіберіледі.
3. Көрсетілетін қызметті алушы құжаттардың толық топтамасын ұсынған кезде лицензияны және/немесе оған қосымшаны беру, лицензияны және/немесе оған қосымшаны қайта ресімдеу кезінде заңды тұлға-лицензиатты бөліп шығару немесе бөлу нысанында қайта ұйымдастыру кезінде:
Департаменттерде:
жауапты қызметкер құжаттарды тіркеген сәттен бастап 22 жұмыс күні ішінде құжаттардың біліктілік талаптарына сәйкестігін, көрсетілетін қызметті алушыға бару арқылы рұқсаттық бақылау жүргізеді, сараптама қорытындысын қалыптастырады және оны комиссияның қарауына ұсынады. Комиссия туралы ереже мен құрамы Департамент директорының бұйрығымен бекітіледі.
Комиссия сараптама қорытындысын қарап, екі жұмыс күні ішінде шешім қабылдайды.
Комиссияның шешімі негізінде жауапты қызметкер екі жұмыс күні ішінде көрсетілетін қызметті берушінің басшысына келісуге және тексеруге жіберілетін электрондық шешімді – лицензияны және/немесе лицензияға қосымшаны не мемлекеттік қызмет көрсетуден бас тарту туралы дәлелді жауапты қалыптастырады, ол көрсетілетін қызметті берушінің басшысына келісуге және тексеруге жіберіледі.
Көрсетілетін қызметті берушінің басшысы шешімді тексереді және бір жұмыс күні ішінде ЭЦҚ-ны пайдалана отырып қол қояды.
Мемлекеттік қызмет көрсетуден бас тартудың негізі анықталған кезде көрсетілетін қызметті беруші көрсетілетін қызметті алушыға мемлекеттік қызметті көрсетуден бас тарту туралы алдын ала шешім туралы, сондай-ақ көрсетілетін қызметті алушы алдын ала шешім бойынша өз ұстанымын білдіруі үшін тыңдаудың уақыты мен орны (әдісі) туралы хабарлайды.
Тыңдау туралы хабарлама мемлекеттік қызмет көрсету мерзімі аяқталғанға дейін 3 (үш) жұмыс күнінен кешіктірілмей жіберіледі. Тыңдау хабарланған күннен бастап 2 (екі) жұмыс күнінен кешіктірілмей өткізіледі.
Хабарлама (хабархат) тапсырыс хаттың табыс етілгендігі туралы хабарламамен тапсырыс хатпен, телефонограммамен немесе телеграммамен, ұялы байланыс абоненттік құрылғысы бойынша мәтіндік хабармен немесе электрондық мекенжай бойынша не хабархаттың немесе шақырудың тіркеліп-бекітілуін қамтамасыз ететін өзге де байланыс құралдары пайдаланылып жіберіледі.
Тыңдау рәсімі Қазақстан Республикасының Әкімшілік рәсімдік-процестік кодексіне сәйкес жүргізіледі.
Көрсетілетін қызметті алушы алдын ала шешімді алған күннен бастап 2 (екі) жұмыс күнінен кешіктірілмейтін мерзімде көрсетілетін қызметті берушінің алдын ала шешіміне қарсылығын ұсынады немесе айтады
Тыңдау нәтижелері бойынша көрсетілетін қызметті беруші заңды тұлға-лицензиатты бөліп шығару немесе бөлу нысанында қайта ұйымдастыру кезінде лицензияны және/немесе оған қосымшаны беру, лицензияны және/немесе оған қосымшаны қайта ресімдеу туралы не мемлекеттік қызметті көрсетуден дәлелді бас тарту туралы шешім қабылдайды.
https://www.gov.kz/org/edu/documents/details/1048439?lang=kk
Бүгінде елімізде білім беру жүйесінің барлық деңгейінде 600 мыңға жуық педагог жұмыс істейді. Бұл мектептерді, мектепке дейінгі және техникалық және кәсіптік білім беру ұйымдарын қамтитын ауқымды кәсіби қауым.
Еліміздің мектептерінде 420 мыңға жуық педагог еңбек етеді. Мектепке дейінгі ұйымдарда 104 мыңнан астам маман, ал техникалық және кәсіптік білім беру ұйымдарында 42 мыңға жуық педагог жұмыс істейді. Білім беру ұйымдарының барлық деңгейінде әйел мамандардың үлесі басым.
Педагогтер арасында көпжылдық тәжірибесі бар мамандардың үлесі де жоғары. Мектептерде 53 мыңнан астам педагогтің еңбек өтілі 30 жылдан асады. Тағы 73 мыңнан астам педагог білім беру саласында 20 жылдан 30 жылға дейін еңбек етіп келеді.
Мектепке дейінгі ұйымдарда 5 мыңнан астам, ал техникалық және кәсіптік білім беру ұйымдарында 4 мыңнан астам педагогтің еңбек өтілі 30 жылдан жоғары.
Бұл көрсеткіштер еліміздің білім беру жүйесінде бірнеше буын өкілдерінің қатар еңбек етіп, кәсіби тәжірибе мен педагогикалық дәстүр сабақтастығын жалғастырып келе жатқанын көрсетеді.
https://www.gov.kz/memleket/entities/edu/press/news/details/1305166?lang=kk
Қазақстан Республикасы Оқу-ағарту министрлігінің Білім саласында сапаны қамтамасыз ету комитеті үкіметтік емес ұйымдармен бірлесіп, мектепке дейінгі білім беру ұйымдарына қойылатын біліктілік талаптарын түсіндіру бойынша ақпараттық жұмыс жүргізді. Іс-шара «Атамекен» Ұлттық кәсіпкерлер палатасының алаңында өтті.
Жұмыс кеңесіне Қазақстандық Үздіксіз Білім беру Ассоциациясының төрағасы және оның өңірлік өкілдері, кәсіпкерлер палаталары филиалдарының, Астана қаласы білім басқармасының өкілдері, сондай-ақ жекеменшік білім беру ұйымдарының құрылтайшылары мен басшылары қатысты.
Ақпараттық жұмыс аясында қатысушыларға қолданыстағы біліктілік талаптары және оларды қолдану тәртібі түсіндірілді.
Білім беру сапасын қамтамасыз ету комитеті мүдделі тараптардың қатысуымен ақпараттық-түсіндіру іс-шараларын өткізу практикасын жалғастырады.
Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында берілген мектептердің функционалын нығайту, педагогтердің біліктілігін арттыру және әлеуметтік мәртебесін көтеру жөніндегі тапсырмаларын орындау мақсатында Үкімет білім беру инфрақұрылымын жаңғыртып, цифрлық технологияларды енгізіп, балаларды қолдауды кеңейтіп, кәсіптік білім беруді экономика қажеттіліктерімен сабақтастырып келеді.
Үш жылда балабақшаларда 232 мың орын ашылды
Елімізде 12 мыңнан астам мектепке дейінгі білім беру ұйымы жұмыс істейді. Оларға 1 млн-нан астам бала барады. 2027 жылдың соңына дейін тағы 68 мың орын ашу жоспарлануда. Ваучерлік қаржыландыру пилоттық режимде 20 қала мен 23 ауданды қамтып отыр. Жоба аясында кезекте тұрған балалар саны 160 мыңнан 23 мыңға дейін қысқарды.
Бес жылда 1 млн-нан астам орынға арналған 1 120 мектеп салынды
460,4 мың оқушы орнына арналған 217 «Келешек мектептері» пайдалануға берілді. 2019 жылдан бері үш ауысымды мектептер саны мен оқушы орындарының болжамды тапшылығы төрт есеге, апатты мектептер саны екі есеге қысқарды. Қазір 59,3 мың орынға арналған тағы 101 мектептің құрылысы жүргізілуде.
Шағын жинақты мектептерде ЖИ енгізілуде
1 қыркүйектен бастап Павлодар және Қызылорда облыстарының мектептерінде пилоттық жоба іске қосылды. Бірінші кезеңде 500 шағын жинақты мектепті қамту көзделген. 2029 жылға дейін бұл технологияларды осындай 2,5 мың мектептің барлығына енгізу жоспарлануда. ЖИ оқушыларға жеке тапсырмалар таңдауға, оқу нәтижелерін талдауға және білімдегі олқылықтарды анықтауға көмектеседі. Бұл ретте мұғалімнің кәсіби мүмкіндіктерін кеңейтеді.
Педагогтерді жүйелі қолдау жалғасуда
2020 жылдан бері педагогтердің жалақысы екі есе өсті, ал 2023 жылғы қыркүйектен бастап мектепке дейінгі ұйым қызметкерлерінің жалақысы 30%-ға артты. Сонымен қатар білім беру саласындағы басшылардың кадрлық резерві қалыптастырылуда.
Ерекше білім беру қажеттіліктері бар балалар үшін мүмкіндіктер кеңеюде
Жүйеде ерекше білім беру қажеттіліктері бар 237 мың бала тіркелген. Инклюзивті білім беруге қолайлы жағдай мектепке дейінгі ұйымдардың 80%-ында, мектептердің 95%-ында және ТжКБ ұйымдарының 90%-ында жасалған. 540 бейінді ұйым балаларға қолдау көрсетеді.
Колледждерде кадрлар даярлау экономиканың сұранысына қарай қайта құрылуда
763 колледжде 556 мыңнан астам студент оқиды, ал мемлекеттік тапсырыс 393,3 мың орынға дейін өсті. Үш жыл ішінде дуальды оқытумен қамту 108 мыңнан 138,2 мың студентке дейін ұлғайды. Дайындықты 11,7 мың кәсіпорынмен бірлесіп 552 колледж жүргізеді. Қамту 35%-ға жетті, міндет – оны кем дегенде 40%-ға дейін арттыру.
Білім беруді дамыту балабақша мен мектептен бастап колледжге дейінгі және одан кейінгі еңбек нарығын қоса алғандағы бүкіл кезеңді қамтиды. Негізгі екпіндер – заманауи инфрақұрылым, мықты педагог, цифрлық технологиялар, балалар үшін тең мүмкіндіктер және экономиканың нақты қажеттіліктеріне қарай кадр даярлау.
https://www.gov.kz/memleket/entities/edu/press/news/details/1292131?lang=kk
Қазақстан Республикасы Оқу-ағарту министрлігінің Білім саласында сапаны қамтамасыз ету комитеті педагогтер мен білім беру ұйымдары басшыларының назарын кәсіби қызметті жүзеге асыру кезінде академиялық адалдық қағидаттарын сақтауға аударады.
«Білім туралы» Қазақстан Республикасы Заңының 1-бабына сәйкес академиялық адалдық – білім беру процесіне қатысушылар білім беру, тәрбиелеу, оқыту және ғылыми қызметті жүзеге асыру кезінде сақтайтын, олардың мінез-құлқын айқындайтын, адалдық, әділдік, құрмет, жауапкершілік пен сенім қағидаттарына негізделген нормалардың, қағидалар мен құндылықтардың жиынтығы.
Педагог үшін академиялық адалдықты сақтау - ең алдымен өзінің кәсіби міндеттерін адал орындау, білім алушылардың білімін әділ бағалау, ұсынылатын ақпараттың шынайылығы және білім беру процесіне қатысушыларға құрметпен қарау.
Педагог академиялық адалдық мәдениетін қалыптастырудың негізгі қатысушыларының бірі болып табылады. Оның жеке үлгісі білім алушылардың адалдыққа, жауапкершілікке және өзінің еңбек нәтижесіне деген көзқарасына тікелей әсер етеді. Сондықтан тиісті қағидаттарды сақтау жалаң формалдылық ретінде қабылданбауы тиіс - бұл педагогтің кәсіби қызметінің міндетті бөлігі.
Комитет педагогтерді және білім беру ұйымдарының басшыларын академиялық адалдық қағидаттарының мүлтіксіз сақталуын, білім беру процедураларының ашықтығын және бағалаудың әділдігін қамтамасыз етуге шақырады.
Педагогтің академиялық адалдығы - бұл білім алушылардың, ата-аналардың және қоғамның білім сапасына деген сенімінің негізі.
Осы бағыттағы жұмыс одан әрі жалғасуда.
Оқу-ағарту министрі Жұлдыз Сүлейменованың төрағалығымен өткен аппараттық кеңесте өңірлік білім басқармалары басшыларының қатысуымен PISA-2025 халықаралық зерттеуінің өңірлер бөлінісіндегі нәтижелері қаралды.
Министр зерттеудің негізгі бағыттары бойынша жоғары нәтиже көрсеткен өңірлерді атап өтті. Астана мен Солтүстік Қазақстан облысы жаратылыстану, математика және оқу сауаттылығы бойынша барлық үш бағытта да үздік үштікке еніп, жоғары және тұрақты нәтиже көрсетті.
Жаратылыстану
1. Солтүстік Қазақстан облысы
2. Астана
3. Қостанай облысы
Математика
1. Жамбыл облысы
2. Астана
3. Солтүстік Қазақстан облысы
Оқу сауаттылығы
1. Астана
2. Қостанай облысы
3. Солтүстік Қазақстан облысы
Осылайша, өңірлер арасында математикалық сауаттылық бойынша ең жоғары нәтижені Жамбыл облысы, жаратылыстану бойынша Солтүстік Қазақстан облысы, ал оқу сауаттылығы бойынша Астана көрсетті.
«PISA нәтижелерін жекелеген өңірлердің жетістігін бағалау ретінде ғана емес, ең алдымен білім сапасын одан әрі арттырудың құралы ретінде қарастыру қажет. Тұрақты жоғары нәтиже көрсетіп отырған өңірлердің тәжірибесін жан-жақты зерделеп, тиімді практикаларды айқындау және оларды тарату маңызды. Сонымен қатар нәтижелері жұмысты күшейтуді қажет ететін өңірлерге ерекше назар аударылуы тиіс», - деп атап өтті Жұлдыз Сүлейменова.
Кеңес қорытындысы бойынша құрылымдық бөлімшелер мен ведомствалық бағынысты ұйымд басшыларына PISA-2025 нәтижелерін өңірлер бөлінісінде егжей-тегжейлі талдап, білім беру нәтижелеріндегі айырмашылықтарды қысқарту бойынша тиісті шараларды айқындау тапсырылды.
ЭЫДҰ PISA-2025 халықаралық зерттеуінің нәтижелерін жариялады. Қазақстанда зерттеу 2025 жылғы сәуір-мамыр айларында өткізіліп, оған еліміздің барлық өңіріндегі 643 білім беру ұйымынан 15 жастағы 22 680 білім алушы қатысты. Жалпы жаңа цикл 91 ел мен аумақты қамтып, оған 15 жастағы 760 мыңнан астам білім алушы қатысты.
PISA-2025 зерттеуінің ерекшеліктерінің бірі «Цифрлық әлемде білім алу» жаңа инновациялық бағытының енгізілуі болды. Бұл бағыт білім алушылардың жаңа білімді өз бетінше меңгеру және цифрлық ортада міндеттерді шешу қабілетін бағалайды.
Нәтижелер қазақстандық мектептердің цифрлық дайындық деңгейінің жоғары екенін және ЭЫДҰ бойынша орташа көрсеткіштерден едәуір жоғары екенін көрсетті. Оқушылардың 80%-ы сабақ барысында жасанды интеллект көмегімен жасалған контентпен жұмыс істейді, ал ЭЫДҰ бойынша орташа көрсеткіш 63%-ды құрайды. Сондай-ақ білім алушылардың 85%-ы цифрлық құрылғыларды пайдалануға қатысты пәндік ұсынымдар қолданылатын мектептерде оқиды, ЭЫДҰ бойынша бұл көрсеткіш 71%-ды құрайды.
Балалардың қауіпсіздігі мәселелері бойынша да жоғары көрсеткіштер тіркелді. Қазақстандық оқушылардың 77%-ы буллингке тап болмайтынын атап өтті, ал ЭЫДҰ бойынша орташа көрсеткіш 53%-ды құрайды.
Қазақстандағы білім алуға қолайлы тәртіптік ахуал индексі 0,80-ді құрады, бұл ЭЫДҰ бойынша орташа көрсеткіштен (0,14) едәуір жоғары. Сонымен қатар оқушылардың 71%-ы мектептің оларды болашақ өмірге қажетті деңгейде дайындайтынын атап өтті, ал ЭЫДҰ бойынша орташа көрсеткіш 51%-ды құрайды.
Бұл нәтижелер Мемлекет басшысы Қасым-Жомарт Кемелұлы Тоқаевтың білім берудегі тәрбие компонентін күшейтуге, құндылық бағдарларды қалыптастыруға және балалардың қауіпсіздігін қамтамасыз етуге бағытталған бағдары аясында жүзеге асырылып жатқан мемлекеттік саясаттың, оның ішінде «Адал азамат» бірыңғай тәрбие бағдарламасының нақты нәтижесін көрсетеді.
Педагогтердің қолдауы да жоғары бағаланды: Қазақстанның тиісті индексі 0,65-ті құраса, ЭЫДҰ бойынша 0,03. Оқушылардың өзара білім алуы бойынша Қазақстанның көрсеткіші 87%-ға жетті, ал ЭЫДҰ бойынша 51%-ды құрайды.
Қазақстандық білім алушылардың 75%-ы өсуге бағытталған ойлау ұстанымын көрсетеді, бұл ЭЫДҰ бойынша орташа көрсеткіштен (69%) жоғары. Когнитивтік бейімделу индексі де ЭЫДҰ-ның орташа көрсеткішінен жоғары: 0,21 және 0,01. Бұл оқушылардың технологиялық өзгерістер жағдайында жаңа тәсілдерді меңгеруге және жаңа міндеттерді шешуге дайын екенін көрсетеді.
Қазақстанның экологиялық хабардарлық, позитивті экологиялық ұстанымдар және экологиялық білім алу мүмкіндіктері бойынша индекстері ЭЫДҰ елдерінің көрсеткіштерінен жоғары. Оқушылардың жоғары экологиялық белсенділігі Мемлекет басшысы Қасым-Жомарт Кемелұлы Тоқаевтың «Таза Қазақстан» жалпыұлттық бастамасының мақсаттарымен үндеседі.
PISA-2025 бағалауының негізгі бағыты жаратылыстану-ғылыми сауаттылық болды. Зерттеу қорытындысы бойынша қазақстандық білім алушылардың орташа нәтижесі жаратылыстану бойынша 420 балл, математика бойынша 414 балл және оқу сауаттылығы бойынша 385 баллды құрады. Жаратылыстану-ғылыми және оқу сауаттылығы бойынша нәтижелер PISA-2022 деңгейінде сақталды. Сонымен қатар жаратылыстану бойынша көрсеткіш 2018 жылғы деңгейден жоғары, ал оқу сауаттылығы бойынша нәтижелер ұзақ мерзімді тұрақтылықты сақтап отыр.
Сонымен бірге зерттеу одан әрі жұмысты күшейтуді қажет ететін бағыттарды айқындады: өңірлер мен мектептер арасындағы айырмашылықтарды қысқарту, білім алушылардың базалық білімі мен дағдыларын нығайту, оқыту сапасын арттыру.
PISA-2025 нәтижелеріне егжей-тегжейлі талдау жүргізілгеннен кейін Ахмет Байтұрсынұлы атындағы «Талдау» орталығы Ы. Алтынсарин атындағы Ұлттық білім академиясымен бірлесіп, өңірлер бөлінісінде білім беру жүйесінің көрсеткіштерін одан әрі жақсарту жөніндегі ұсынымдар әзірлейді.
Қызылорда қаласында педагогтердің өңірлік тамыз конференциясы аясында білім беру жүйесін дамытудың негізгі бағыттары, білім беру мен тәрбие сапасын арттыру, балалардың қауіпсіздігін қамтамасыз ету, ауыл мектептерін дамыту және жасанды интеллектіні білім беру процесіне енгізу мәселелері талқыланды.
Педагогтер қауымы алдында сөз сөйлеген ҚР Оқу-ағарту министрлігі Білім саласында сапаны қамтамасыз ету комитеті төрағасының орынбасары Жәмила Есанова жаңа оқу жылы адами капиталды дамытуға және білімді, жауапты әрі белсенді азаматтар ұрпағын қалыптастыруға бағытталған ауқымды өзгерістер кезеңінде басталып отырғанын атап өтті.
«Білім беру жүйесінің басты міндеті – әрбір балаға қолжетімді әрі сапалы білім алуды қамтамасыз ету, оның жан-жақты дамуына қажетті мүмкіндіктерге жағдай жасау және заңдылық, адал еңбек пен азаматтық жауапкершілік құндылықтарын қалыптастыру».
Жаңа оқу жылында еліміздегі 8 мыңнан астам мектепте шамамен 4,1 млн оқушы білім алады. Бұл ретте ауылдық және шағын жинақты мектептерді дамытуға, білім беру инфрақұрылымын жаңғыртуға және білім берудегі теңсіздікті қысқартуға ерекше назар аударылуда.
«Келешек мектептері» ұлттық жобасы аясында 460 мың оқушы орнына арналған 217 мектеп салынды. Оның 84-і ауылдық жерлерде орналасқан.
Білім беру саласына жасанды интеллектіні енгізу жаңа бағыттардың бірі болмақ. Пилоттық режимде жасанды интеллект Қызылорда және Павлодар облыстарының 10 шағын жинақты мектебінде математика, цифрлық сауаттылық және тілдік пәндер бойынша енгізіледі. Алдағы уақытта жобаны 500 мектепке дейін кеңейту, ал 2027 жылғы қыркүйектен бастап еліміздегі барлық 2600 шағын жинақты мектепке енгізу жоспарлануда.
Баяндама барысында әрбір балаға, оның ішінде ерекше білім беру қажеттіліктері бар балаларға қолдау көрсету мәселесіне ерекше назар аударылды.
Бүгінде елімізде 540 арнайы ұйым жұмыс істейді, арнайы психологиялық-педагогикалық қолдаумен 213,7 мың бала қамтылған. «Қазақстан балалары» 2026–2030 жылдарға арналған тұжырымдамасы аясында балалардың құқықтарын қорғау және білім алушыларға психологиялық қолдау көрсету жүйесі одан әрі күшейтілуде.
Қазақстандық оқушылардың халықаралық жетістіктері де атап өтілді. Өткен оқу жылында оқушылар 44 халықаралық олимпиада мен ғылыми конкурсқа қатысып, 1059 медальға иеленді.
Қазақстан құрамасының Колумбияда өткен 56-шы Халықаралық физика олимпиадасында бес алтын медальға иеленуі – еліміздің олимпиадалық қозғалысы тарихындағы елеулі жетістіктердің бірі болды.
«Бұл нәтижелер – балаларымыздың дарынының ғана емес, сонымен қатар педагогтер, тәлімгерлер мен білім беру ұйымдары басшыларының кәсіби еңбегінің көрсеткіші болып табылады», – деп атап өтті Жәмила Есанова.
Педагогтердің кәсіби әлеуетін дамыту және тәрбие жұмысын жетілдіру де білім беру саясатының маңызды бағыттарының бірі болып қала береді. «Адал азамат» біртұтас тәрбие бағдарламасы еліміздің барлық білім беру ұйымдарында іске асырылуда. Оны енгізу бойынша 110 мыңнан астам педагог даярлықтан өтті.
Конференция барысында Қызылорда облысының білім беру жүйесіндегі оң нәтижелер де атап өтілді. Атап айтқанда, түлектердің жетістіктері, оқушылардың олимпиадалардағы нәтижелері, білім сапасының артуы және өңір педагогтерінің білім беру саласын дамытуға қосқан үлесі.
Жиын соңында Комитет төрағасының орынбасары Жәмила Есанова Қызылорда облысының педагогтер қауымына кәсібилігі мен мемлекеттік білім беру бастамаларын іске асыруға қосқан үлесі үшін алғысын білдірді.
В целях повышения открытости и оперативности взаимодействия с населением Комитет по обеспечению качества в сфере образования разместил контактные номера руководителей территориальных департаментов, а также информацию об их официальных аккаунтах в социальных сетях.
Граждане имеют возможность напрямую обратиться к руководителям территориальных подразделений по вопросам привлечения педагогов к несвойственным им функциям, нарушениям норм педагогической этики и принципов академической честности, незаконному сбору денежных средств, коррупционным проявлениям и другим нарушениям в организациях образования.
Каждое обращение граждан будет рассмотрено в соответствии с законодательством РК.