Батыс Қазақстан облысы бойынша 2023 жылы Қазақстан Республикасы Президентінің "Әділетті Қазақстан: бәріміз және әрқайсымыз үшін. Қазір және әрдайым" сайлауалды бағдарламасының 79-тармақ. Шағын қалаларда, аудан орталықтарында және ауылдарда жыл сайын кемінде бір мың мектепті заманауи стандарттар бойынша жаңғырту жұмыстарының орындалуы туралы

Шағын қалалар, аудан орталықтары мен ауылдардағы  мектепті жаңғырту аясында 2021-2025 жылға дейін облыс бойынша 313 ауылдық мектептерді жаңғырту жоспарланған (2021- жылы-64 мектеп, 2022 жылы- 63 мектеп, 2023 жылы-62 мектеп, 2024 жылы-62 мектеп, 2025 жылы – 62 мектеп).

Департамент қызметкерлерімен 2023 жылы жаңғырту тізіміне енгізілген 19 мектепке бару арқылы мониторинг жұмыстары жүргізілді.

Жаңғырту аясында 7 шара қарастырылған  (күрделі жөндеу жұмысы, пәндік кабинеттермен жабдықтау, мектеп жихаздарымен қамту, кітапхананы және асхананы жаңғырту,  қауіпсіздікті қамтамасыз ету шаралары, мектепті безендіру).

19 мектептің 1-де ғана күрделі жөндеу жұмыстары жүргізілсе, 12 мектепке  16 пән (4-і физика, 10-ы химия, 1-і биология, 1-робототехника) кабинеттері алынған.

13 мектепке жихаздар алынған, 14 мектептің кітапханалары көркем әдебиеттермен толықтырылған. Тек 1 мектептің асханасына қажетті заттар алынса, 6 мектепке қауіпсіздік шаралары үшін қаражаттар бөлінген.

Мониторинг  жұмыстары қорытындысында 19 мектептің жаңғыртудың 7 шарасымен толық қамтылмағаны анықталды.