Ағымдағы жылдың 3 мамырында Батыс Қазақстан облысының білім беру саласында сапаны қамтамасыз ету департаментінің білім беру қызметін лицензиялау бөлімінің басшысы С.Жумагереев Қазақстан Республикасының Сыбайлас жемқорлыққа қарсы іс-қимыл Агенттігінің (Сыбайлас жемқорлыққа қарсы қызмет) Батыс Қазақстан облысы бойынша Департаменті ұйымдастырған семинар-кеңеске қатысты.

«Білім беру саласында сыбайлас жемқорлықты болдырмау және алдын алу шараларын күшейту» тақырыбында өткізілген семинар-кеңесте С.Жумагереев мемлекеттік бақылау шаралары кезінде сыбайлас жемқорлық тәукелдеріне жатқызуға болатын кемшіліктер мен болдырмау бағытында атқарылған шаралар туралы баяндама жасады.