АРТЫҚ ЕСЕПТІЛІК, ҚАҒАЗБАСТЫЛЫҚ МӘСЕЛЕСІ

Бүгін департамент жанынан құрылған жұмыс тобы мүшелерімен педагогтердің, соның ішінде сынып жетекшілері, пән мұғалімдері, әлеуметтік педагогтар мен психологтардың жүргізетін құжаттары талқыланды.

Бұған дейін Оқу-ағарту министрлігінің аппараттық кеңесінде бұл мәселе қаралып, нақты тапсырмалар берілген болатын.

БжҒМ-нің 6 сәуір 2020 жылғы №130 бұйрығымен білім беру ұйымдары педагогтерінің жүргізуі қажетті құжаттар тізбесі мен нысандары бекітілген.

Алайда, педагогтердің өзінің кәсіби міндеті-сапалы білім мен тәрбие беруде артық құжаттар мен есептер жүргізуі әлі де орын алып отыр. Соған байланысты құрылған жұмыс тобының мақсаты- бекітілген құжаттарды ғана жүргізу үшін ортақ бағыт-бағдарды анықтау.

Жұмыс тобының алғашқы отырысында бірқатар проблемалық мәселелер көтерілді, ұсыныстар айтылды. Әрі қарай әріптестермен бірлескен жұмысты жалғастырамыз.