Ұстаздар күні қарсаңында «Педагог мәртебесін арттыру жөнінде жүргізіліп жатқан жұмыстар туралы» брифинг өтті

Бүгін Ұстаздар күні қарсаңында өткен брифингке Білім беру департаментінің басшысы З. Ғұмарова қатысып, мұғалімдерді қолдау және олардың мәртебесін көтеру бойынша атқарылып жатқан шаралар туралы айтты.

Негізгі бағыттар:
• «Педагог мәртебесі туралы» 2019 жылғы Заң мұғалімдердің кәсіби өсуіне және мамандық беделін арттыруға жағдай жасады.
• Мектеп мұғалімдерінің оқу жүктемесі 18 сағаттан 16 сағатқа дейін төмендетілді, есептілік қысқартылды.
• Өңірлік департаменттер жанынан педагогикалық әдеп және мұғалімдердің құқықтарын қорғау жөніндегі кеңестер құрылды.
• Республикалық «Үздік педагог» байқауы өткізіледі.
• «Педагог» кәсіби стандарты бекітілді.
• Мұғалімдерді кәсіби міндетіне жатпайтын жұмысқа тартуға жол бермеу күшейтілді, бұзушылықтар үшін әкімшілік жауапкершілік көзделген.
• Елеулі жетістіктерге жеткен педагогтер мемлекеттік наградаларға, соның ішінде «Қазақстанның еңбек ері» атағына ие болады.

Мұғалімнің басты міндеті – оқу-тәрбие үдерісіне толыққанды көңіл бөлу.