Жетісу облысының білім саласында сапаны қамтамасыз ету департаментінде мемлекеттік қызметтің әдеп стандарттарын нығайтуға бағытталған маңызды түсіндіру іс-шарасы өткізілді.
Іс-шараға Қазақстан Республикасы Мемлекеттік қызмет істері агенттігі Жетісу облысы бойынша департаментінің өкілі қатысып, мемлекеттік қызметшілердің әдеп қағидаттарын сақтау, сыбайлас жемқорлыққа қарсы іс-қимыл мәселелері және қызметтік тәртіпті күшейту бағытында жан-жақты түсіндірме жұмысын жүргізді.
Кездесу барысында:
▪️ мемлекеттік қызметшілердің Әдеп кодексінің талаптарын мүлтіксіз сақтау;
▪️ сыбайлас жемқорлық тәуекелдерінің алдын алу және адалдық мәдениетін қалыптастыру;
▪️ лудоманияның және өзге де зиянды тәуелділіктердің мемлекеттік қызмет беделіне әсері;
▪️ мемлекеттік қызметшінің жеке жауапкершілігі, мінез-құлық стандарттары мен қоғам алдындағы міндеттері кеңінен талқыланды.
Мемлекеттік қызмет – жоғары жауапкершілік пен кәсібилікті талап ететін маңызды институт. Әдеп нормаларын сақтау, заңдылық пен ашықтық қағидаттарын ұстану – қоғам сенімін нығайтудың және мемлекеттік аппараттың тиімді қызмет етуінің басты кепілі.
Осындай мазмұнды әрі тағылымды кездесулер мемлекеттік қызметтің сапасын арттыруға және ұжымның кәсіби мәдениетін нығайтуға ықпал етеді.
