2025 жылдың ІІ тоқсанда жалпы 20 (10 мемлекеттік, 10 жеке меншік) мектепке дейінгі білім беру ұйымына, 10 мектепке мемлекеттік аттестаттау жүргізу жоспарланған. 1 жекеменшік балабақша (Талдықорған қ. «Бөбекжай «Айым плюс» ЖШС) құрылтайшының шешімімен 10.01.2025 ж. жабылды.
Мемлекеттік аттестаттаудың қорытындысы бойынша 3 (15,7%) балабақша, 1 (10%) мектеп аттестатталды. 16 (84,2%) балабақшаның, 9 мектептің (90%) білім беру қызметі мемлекеттік жалпыға міндетті стандарты талаптарына сәйкес келмеуіне байланысты аттестатталмады.
Мектепке дейінгі білім беру ұйымдарында мемлекеттік аттестаттау барысында анықталған кемшіліктер:
- 8 балабақшаның оқу жұмыс жоспарлары мен ұйымдастырылған іс-әрекеттері МЖМБС талаптарына және мектепке дейінгі тәрбие мен оқытудың үлгілік оқу жоспарына сәйкес келмейді;
- 14 балабақшада білім беру қызметі мектепке дейінгі тәрбие мен оқытудың үлгілік оқу бағдарламасына сәйкес жүзеге асырылмайды;
- 12 балабақшада мектепке дейінгі ұйымдардың үлгілік қағидалары талаптары сақталмаған;
- 4 балабақшада баланың даму мониторингін қамтамасыз ететін және оның жеке дамуын жоспарлаудың негізі болып табылатын мектеп жасына дейінгі тәрбиеленушілерді оқыту нәтижелері жүргізілмеген;
- 5 балабақшада тәрбиеленушілердің бастапқы даму мониторингі жүргізілмеген;
- 6 балабақшада үлгілік оқу бағдарламасына қосымшаға сәйкес балалардың жасын ескере отырып, тәрбиеленушілердің жетістіктері мониторингісі (қорытынды) жүргізілмеген;
- 11 балабақшада тәрбиеленушілердің мектепке дейінгі тәрбие мен оқытудың үлгілік оқу жоспарында белгіленген оқу жүктемесінің ең жоғары көлеміне қойылатын талаптар сақталмаған;
- 7 балабақшада балалардың жасын ескере отырып, жас топтарын қалыптастыру кезінде талаптар сақталмаған.
Бастауыш, негізгі орта, жалпы орта білім беру ұйымдарында мемлекеттік аттестаттау барысында анықталған кемшіліктер:
- 5 мектепте жұмыс оқу жоспары мен сабақтар кестелері бастауыш, негізгі орта және жалпы орта білім берудің үлгілік оқу жоспарларына сәйкес келмейді;
- 4 мектепте жалпы білім беретін пәндер бойынша үлгілік оқу бағдарламаларына сәйкес жүзеге асырылатын оқу пәндерінің базалық мазмұны игерілмеген;
- 2 мектепте білім алушылардың жеке мүдделері мен қажеттіліктерін ескере отырып, бейінді оқытуды іске асыру (оқытудың тереңдетілген және стандартты деңгейі)талапқа сәйкес келмейді;
- 2 мектепте ерекше білім беру қажеттілігі бар білім алушылардың ерекшеліктерін және жеке мүмкіндіктерін ескере отырып оқыту процесі ұйымдастырылмаған;
- 2 метепте ҮОЖ сәйкес жүзеге асырылатын вариативтік компоненттің факультативтері мен таңдау курстары іске асырылмаған;
- 3 мектепте "Өмір қауіпсіздігінің негіздері" міндетті оқу курсын игерілмеген;
- 1 мектепте "Жолда жүру ережелері" міндетті оқу курсын іске асырылмаған;
- 7 мектепте беру ұйымдарының білім беру қызметіне қойылатын біліктілік талаптарын және оларға сәйкестікті растайтын құжаттар тізбесін сақталмаған;
- 1 мектепте сыныптарды, оның ішінде инклюзивті білім беру шеңберінде ерекше білім берілуіне қажеттілігі бар білім алушылардың ерекшеліктерін ескере отырып, топтарға бөлуге қойылатын талаптар сақталмаған;
- 3 мектепте білім алушылардың білімін бағалау өлшемшарттарына сәйкес білім алушылардың оқу жетістіктерін бағалауды жүзеге асыру мен қалыптастырушы және жиынтық бағалау талаптары сақталмаған;
Мемлекеттік аттестаттау барысында анықталған кемшіліктер бойынша білім беру ұйымдарына әдістемелік ұсынымдар берілді.