Департамент басшысы білім беру саласындағы сыбайлас жемқорлыққа қарсы іс-қимыл мәселелері жөніндегі бірлескен кеңеске қатысты

Департамент басшысы Қазақстан Республикасы Сыбайлас жемқорлыққа қарсы іс-қимыл агенттігінің алаңында өткізілген Агенттік Төрағасы А.Ж. Жұмағали мен Оқу-ағарту министрі Ғ. Б. Бейсембаевтың қатысуымен білім беру саласындағы сыбайлас жемқорлыққа қарсы іс-қимыл мәселелері жөніндегі бірлескен кеңеске қатысты.

Кеңейтілген кеңеске қатысушылар ведомствоның негізгі міндеттерімен танысты:

- сыбайлас жемқорлыққа қарсы іс-қимыл саласындағы мемлекеттік саясатты іске асыру;

- сыбайлас жемқорлық құқық бұзушылықтар жасауға ықпал ететін жағдайлар мен себептерді анықтау және олардың салдарын жою;

- қоғамда сыбайлас жемқорлыққа қарсы мәдениетті қалыптастыруға бағытталған шаралар кешенін ұйымдастыру;

- сыбайлас жемқорлықтың алдын алу мәселелерінде мемлекеттік органдардың, ұйымдар мен квазимемлекеттік сектор субъектілерінің қызметін үйлестіру.

Сондай-ақ, Білім министрі Г.Б. Бейсембаев, ҚР Білім министрлігі аппаратының басшысы Д. Ш. Жекебаев, ШҚО бойынша Сыбайлас жемқорлыққа қарсы қызметтің басшысы Д. В. Шакенов сөз сөйледі, олар қатысып отырған аудандық/қалалық бөлімдер мен білім басқармасының басшыларының сыбайлас жемқорлыққа төзбеушілікті қалыптастыру, сыбайлас жемқорлық мүмкіндіктерін болдырмау және сыбайлас жемқорлыққа қарсы іс-қимылдағы педагогтердің рөлін күшейту жөніндегі міндеттерді шешуге ерекше назар аударды.