Тамақтандыруды ұйымдаструын мониторингтеу

Департамент Оқу-ағарту Министрлігінің тапсырмасы бойынша бірқатар мониторингтік іс-шараларды жалғастыруда. Солтүстік Қазақстан облысының кәмелетке толмағандар құқықтары жөніндегі уәкілі С.К. Сураганованың қатысуымен Департамент басшысы А. С. Мальгаева Аққайың ауданының бірқатар мектептеріне барды. Асханалардың жалпы жағдайы қанағаттанарлық. Комиссия ыстық судың, дезинфекциялау құралдарының, ауыз су режимінің, бракераж комиссиясының жұмысының бар екендігін атап өтті. Азық-түлік тауарларының жағдайлары, бастауыш сынып оқушыларының тамақтану мәдениетін тәрбиелеу туралы ескертулер жасалды. Азық-түлікке арналған қойма үй-жайларын орнату, "Мектептегі тамақтандыру"мектеп сайтының айдарын жүргізу бойынша ұсыныстар берілді.