БССҚАД басшылары үшін семинар

2023 жылдың 25-26 мамыр аралығында департамент басшысы А.С. Мальгаева Астана қаласында өткен аумақтық білім саласында сапаны қамтамасыз ету департаменттері басшыларының қатысуымен өтетін білім саласының өзекті мәселелері жөніндегі семинар-кеңеске қатысты.

Семинар бағдарламасы бойынша келесі өзекті мәселелер қарастырылды:

1. «Халықаралық салыстырмалы зерттеулердегі Қазақстанның орны»- Ирсалиев Серік Әзтайұлы (Астана халықаралық университетінің президенті);
2. «Білім беру жүйесіндегі заманауи трендтер» - Шәмшидинова Күләш Ноғатайқызы (қоғам қайраткері, Қазақстан Республикасының еңбек сіңірген мұғалімі).

Сонымен қатар ҚР Оқу-ағарту министрлігінің Білім саласында сапаны қамтамасыз ету комитетінің басқармалары басшыларының баяндамалары тындалды: «Жекеменшік білім беру ұйымдарына «Білім беру қызметімен айналысуға лицензия беру» мемлекеттік қызметін көрсету тәртібінің сақталуы бойынша жүргізілген ішкі бақылау нәтижелері туралы», «Білім беру ұйымдарын мемлекеттік аттестаттаудың 2023 жылғы аралық нәтижелері туралы», «Бағалау құралдары және халықаралық зерттеулер туралы», «Педагог құқықтарын қорғау және педагогтердің педагогикалық этика нормаларын сақтау мәселелері туралы», «Аумақтық білім саласында сапаны қамтамасыз ету департаменттері қызметінің тиімділігін бағалау».

Семинардың екінші күні департамент басшылары астананың мектептеріне барды.