Кәмелетке толмаған балаларды бейімдеу орталығының ашылуы туралы

Ағымдағы жылдың 24 желтоқсанында Солтүстік Қазақстан облысының Білім саласында сапаны қамтамасыз ету департаментінің басшысы Гүлнәр Темірболатқызы Таласбаева Петропавл қаласында кәмелетке толмаған балаларды бейімдеу орталығының (бұдан әрі-Орталық) ашылуына қатысты.

Орталықтың ашылуына Солтүстік Қазақстан облысының әкімі Нұрмұхамбетов Гауез Торсанұлы қатысты.

Орталық өмірлік қиын жағдайға тап болған балаларға уақытша көмек көрсету және оңалту үшін қажет, 28-30 төсек-орынға есептелген.

Орталықта балалар үшін қолайлы, жайлы жағдайлар жасалған, изоляторлар, оқу-білім беру қызметіне арналған бөлмелер, ас блогы бар асхана, санитарлық тораптар, душ бөлмелері орналасқан.

Орталық бейнебақылау жүйесімен және күзетпен қамтамасыз етілген, сыртқы және ішкі бейнекамералар орнатылған, сондай-ақ автокөлікпен қамтамасыз етілген. Орталықтың штаты толық қамтылған.