Жаңарту мониторингісі туралы

Ағымдағы жылдың 12 қыркүйегінде Департамент басшысы Гүлнәр Темірболатқызы Таласбаева Қызылжар ауданының «Парасат» мектеп-лицейіне, Мағжан Жұмабаев ауданының Булаев мектеп – бөбекжай - бақша кешеніне және Петропавл қаласының №17 ұлттық өркендеу орта мектеп-кешеніне барды.
Мектептерді жаңарту Мемлекет басшысының тапсырмасына сәйкес жүзеге асырылады, сондай-ақ білім алушылар үшін оқу жағдайын жақсартуға бағытталған.
Барлық 3 мектепте күрделі жөндеу жұмыстары белгіленген мерзімде аяқталған, жұмыстарды аяқтау актілері бар. Сондай-ақ кабинеттерге, асханаға, оқу залына сатып алынған жиһаз орнатылған. Мердігер ұйымдар мектеп аумағынан қоқыстарды шығарған. Оқу-білім беру процесі мектептердің ішкі тәртібіне сәйкес жүргізілуде.