Балалардың құқықтарын қорғау комитеті кәмелетке толмағандардың онлайн кеңістікте қауіпсіздігін қамтамасыз етудің маңыздылығына назар аударады.
Балалардың құқықтарын қорғау комитетінің ата-аналарға мессенджерлердегі дәстүрлі емес топтар туралы ақпараттың таралуына байланысты үндеуі
Құрметті ата-аналар мен педагогтар!
Балалардың құқықтарын қорғау комитеті кәмелетке толмағандардың онлайн кеңістікте қауіпсіздігін қамтамасыз етудің маңыздылығына назар аударады.
Қазіргі уақытта мессенджерлер арқылы таратылатын, дәстүрлі емес топтармен байланысты және балалардың қабылдауына, эмоциялық жағдайына кері әсер етуі мүмкін ақпараттың таралуын болдырмау бағытында жұмыстар жүргізілуде. Өңірлерде ата-аналар мен жасөспірімдерге арналған ақпараттық-түсіндіру жұмыстары белсенді түрде атқарылуда.
Сонымен қатар, Комитет Ішкі істер министрлігіне, Мәдениет және ақпарат министрлігіне, сондай-ақ жергілікті атқарушы органдарға тиісті хаттар жолдап, жасөспірімдердің мұндай топтар мен іс-шараларға тартылуына жол бермеу үшін қажетті шараларды қабылдау туралы ұсыныстарын жеткізді.
Естеріңізге саламыз, білім беру ұйымдарында оқушылардың психоэмоционалдық жағдайына әсер етуі мүмкін кез келген әрекетке қатаң шектеу қойылған. Тәрбие жұмыстары мемлекеттік білім беру стандарты мен ұлттық құндылықтарға сәйкес жүргізіледі.
Комитет ата-аналарды балаларды ықтимал қауіп-қатерлерден қорғау мақсатында цифрлық қауіпсіздігіне мұқият қарауға, олардың онлайн-әрекеттерін қадағалап, сенімді қарым-қатынас орнатуға шақырады.https://www.facebook.com/share/p/18mNQja9W2/