Департаментпен мемлекеттік аттестаттаудан өтетін орта білім беру ұйымдарының басшыларымен мемлекеттік аттестаттауды өткізу туралы семинар-кеңес өткізілді

 05.12.2024 жылы Шымкент қаласының білім саласында сапаны қамтамасыз ету департаменті Шымкент қаласының білім басқармасының «Т.Тәжібаев» атындағы  №47 мектеп-гимназиясының ғимаратында 2025 жылы мемлекеттік аттестаттаудан өтетін орта білім беру ұйымдарының басшыларымен мемлекеттік аттестаттауды өткізу туралы семинар-кеңес өткізді.

          2025 жылы Шымкент қаласында 65 мектеп (мемлекеттік–44, жекеменшік – 21) мемлекеттік аттестаттаудан өтеді.

         Семинар-кеңес барысында департамент басшысы Әліш Рыскелді Салхутдинұлы және білім сапасын сырттай бағалау бөлімінің басшысы Агманова Дина Теймирхановна мемлекеттік аттестаттаудан өту барысы туралы толыққанды түсіндіріп, ақпараттармен бөлісті.

           Нақтырақ атап өтетін болсақ:

• нормативтік-құқықтық актілер;
• мемлекеттік аттестаттауды өткізу алгоритімі;
• өзін-өзі бағалау материалдарын талдау;
• оқыту нәтижелерін бағалау;
• бастауыш, негізгі орта және жалпы орта білім беру ұйымдары ұсынатын құжаттар;
• оқыту нәтижелеріне бағдарлана отырып бастауыш, негізгі орта және жалпы орта білім берудің жаңартылған мазмұнына қойылатын талаптар;
• бастауыш, негізгі орта және жалпы орта білім беретін оқу бағдарламаларын іске асыратын білім беру ұйымдарын бағалауға арналған өлшемшарттар және тағы басқалар.

          Сонымен қатар бақылау іс-шараларын жүргізу кезінде сыбайлас жемқорлық тәуекелдерінің алдын алу және жол бермеу мәселелері талқыланды.

        Семинар-кеңес соңында білім беру ұйымдарымен сұрақ-жауап түрінде сұхбат жүргізілді.