Шымкент қаласының білім саласында сапаны қамтамасыз ету департаментінің басшысы тағайындалды.

Әліш Рыскелді Салхутдинұлы Шымкент қаласының білім саласында сапаны қамтамасыз ету департаментінің басшысы болып тағайындалды.

Білімі:
2001 жылы Оңтүстік Қазақстан техникалық университетін "Бухгалтер" мамандығы бойынша аяқтады.
2013 жылы Аймақтық әлеуметтік-инновациялық университетін "Құқықтану" мамандығы бойынша аяқтады.

Еңбек жолы:
Жалпы еңбек өтілі - 27 жыл, мемлекеттік қызметтегі өтілі -22 жыл.
Еңбек жолын 1996 жылы Түркістан облысы Отырар ауданы Ш.Қалдаяқов атындағы орта мектепте есепші болып бастаған.
2003-2011 жылдары салық жүйесінде, 2011-2021 жылдары Түркістан ауданы Отырар ауданы әкімінің орынбасары лауазымында жұмыс істеген.
2021-2023 жылдар аралығында Шымкент қаласы білім басқармасы басшысының орынбасары қызметін атқарған.
Рыскелді Салхутдинұлына жаңа орында табыс тілейміз!