Өңірде облыс мектептерінің білім беру қызметіне лицензияларды қайта ресімдеу рәсімі жалғасуда

         Өңірде облыс мектептерінің білім беру қызметіне лицензияларды қайта ресімдеу рәсімі жалғасуда. Бүгінгі таңда 130 білім беру ұйымының лицензиясы қайта ресімделді.

2025 жылғы 17-18 сәуірде білім беру қызметін лицензиялау бөлімінің мамандары Ақсу қаласының, Ақтоғай, Баянауыл, Ертіс, Май, Успен аудандарының мектеп басшыларымен онлайн режимінде кеңес өткізді.

ҚР Оқу-ағарту министрінің 2022 жылғы 30 қарашадағы №483 бұйрығымен бекітілген «Бастауыш, негізгі орта, жалпы орта, техникалық және кәсіптік, орта білімнен кейінгі білім беру, діни білім беру, кәмелетке толмағандарға білім беру-сауықтыру қызметтері саласында білім беру қызметімен айналысуға лицензия беру» мемлекеттік қызметін көрсету қағидаларын қолданысқа енгізілуіне байланысты кеңес қатысушыларына лицензиялар мен лицензияға қосымшаларды қайта ресімдеудің алгоритмі мен тетігі бойынша түсініктемелер берілді.