Сыбайлас жемқорлыққа қарсы қызмет Департамент қызметкерлерімен кездесу өткізілді

2024 жылғы 6 желтоқсанда Сыбайлас жемқорлыққа қарсы қызмет Департамент қызметкерлерімен кездесу өткізді. Спикер ретінде превенция басқармасының бас маманы И. М. Бабаев сөз сөйледі.
Кездесу барысында сыбайлас жемқорлыққа қарсы саясаттың талаптары түсіндірілді, заңнамадағы, оның ішінде қызметкерлерді парасаттылыққа тексеру жөніндегі жобаны кезең-кезеңімен енгізу бойынша инновациялар талқыланды. Павлодар облысы бойынша бейнероликтер көрсетіліп, нақты мысалдар келтірілді. Сондай-ақ қызметкерлердің сұрақтарына толық жауаптар берілді.
Іс-шара департамент қызметкерлері арасында сыбайлас жемқорлыққа қарсы мәдениетті қалыптастыруға бағытталған, өйткені қазіргі уақытта сыбайлас жемқорлықты жоюдың маңызды факторларының бірі қоғамда сыбайлас жемқорлықтың кез келген көріністеріне «нөлдік төзбеушілікті» қалыптастыру болып табылады.
Департамент бойынша осы бағытта тұрақты негізде жұмыс жүргізілуде. Әрбір аппараттық кеңесте Департамент басшысы Г.К. Уздембаева да, Әдеп жөніндегі уәкіл Ж.К. Муликова да сыбайлас жемқорлыққа қарсы саясат пен мемлекеттік қызмет саласындағы заңнаманың талаптары бойынша түсіндіру жұмыстарын жүргізеді және мемлекеттік бақылау шараларын жүргізу барысында тәуекелдерді жою үшін барлық мемлекеттік қызметшілер мемлекеттік қызметшілердің мінез-құлқының әдеп нормаларының талаптарын қатаң сақтауы қажет екенін көрсетеді.