Қызылорда облысының педагогикалық әдеп жөніндегі Кеңес отырысы өткізілді

2026 жылғы 17 наурыз күні Қызылорда облысының білім саласында сапаны қамтамасыз ету департаментінің Педагогикалық әдеп жөніндегі отырысы өткізілді.

Кеңес отырысында Департамент басшысы, Педагогикалық әдеп жөніндегі кеңес төрағасы М. Бекмағанбетов жаңа Конституцияның педагогтердің мәртебесін арттырудағы маңызын баяндады.

Күн тәртібінің екінші тармағына сәйкес, Кеңес төрағасы кеңестің жаңа құрамын таныстырды.

Педагогикалық әдеп жөніндегі кеңесте Жаңақорған ауданы бойынша білім бөлімінің басшысы Нариман Үсенұлы Жахудаевтың осы бағытта атқарылған жұмыстар бойынша есебі тындалды.

Жаңақорған ауданындағы 104 балабақшада, 45 мектеп пен 4 қосымша білім беру ұйымдарында Педагогикалық әдеп жөніндегі Кеңес құрылғандығы, педагогикалық әдеп нормалары көрнекі етіп барлық білім беру ұйымдарында орналастырылғандығы туралы айта отырып, аудан бойынша жүргізілген жұмыстары туралы баяндады.

Кеңес отырысында Кеңес мүшелері тарапынан Н. Жахудаевқа сұрақтар қойылып, пікірлер айтылды.

Кеңес барысында білім саласы ардагерлері Кеңесінің төрағасы, ардагер-ұстаз Ғ.Б. Бекенов білім саласының ардагерлерін қоғамдық шараларға тарту, соның ішінде Педагогикалық әдеп кеңесіне қатыстыру туралы ұсынысын білдірді.

Кеңес мүшелері Г. Есқалиева мен С. Камаловалар өз пікірлерін білдіріп, бірқатар ұсыныстарымен бөлісті.

Кеңес отырысының қорытындысымен білім басқару органдарына бірқатар ұсыныстар жолданатын болады.