Қазақстан Республикасы Оқу-ағарту министрі Жұлдыз Сүлейменова жұмыс сапары барысында бірқатар білім нысандарымен танысты.
Қызылорда қаласындағы СПМК-70 шағын ауданында 1500 орындық №296 «Келешек мектебінің» ашылу рәсіміне қатысты.
Сыр өңірінде Президентіміздің, Үкіметтің ерекше қолдауымен білім саласында ауқымды жобалар мен тың бастамалар жүзеге асуда. Қызылорда облысында «Келешек мектептері» ұлттық жобасы аясында 10 жаңа мектеп салынды. 2023 жылдан бері 9 мектептің жанынан қосымша ғимарат бой көтерді. Бұл арқылы өңірдегі үш ауысымдық мектептер мәселесі шешілді.
Сонымен қатар, Оқу-ағарту министрі «Бегім ана» бөбекжай-балабақшасы, «Сыр жұлдыздары» балалар мен жасөспірімдерге арналған шығармашылық және инновация академиясы, №290 келешек мектебі, Физика-математика бағытындағы «Білім инновация» лицей-интернаты және "Орда School" жеке мектебінің жұмысымен танысты.
Жұмыс сапары барысында бірқатар өзекті мәселелер талқыланып, білім саласының одан әрі дамуының жоспарлары айқындалды.
