Білім саласында сапаны қамтамасыз ету департаменті басшысы Маңғыстау облысы әкімінің төрағалығымен жаңа оқу жылының басталуына дайындық барысы туралы аппараттық кеңесіне қатысты

Мектепке дейінгі ұйымдарды жаңғырту жөніндегі жоспар

2024 жылы 53 балабақшада ағымдағы жөндеу жұмыстарын жүргізуге 1 млрд. 502 млн. теңге бөлінді.

Оның ішінде 50 балабақшада жалпы сипаттағы трансферт есебінен 1 млрд. 376 млн. теңге (ТОХ) және 3 балабақшада жергілікті бюджет есебінен 126 млн. теңге.

Қазіргі таңда, 26 балабақшада жөндеу жұмыстары жүріп жатыр, қалған 27 балабақшада конкурстар жүргізілуде. Жөндеу жұмыстары 1 қыркүйекке дейін аяқталады.

Сондай-ақ, 5 балабақшаның материалдық-техникалық базасы 51 млн. теңгеге жалпы сипаттағы трансферт есебінен жаңартылды.

Мектептердің күрделі және ағымдағы жөндеуі

2024 жылы мектептерде күрделі жөндеу жұмыстары жоспарланған жоқ. Алайда, күрделі жөндеуді қажет ететін 8 мектеп бар, оның 5-нің ЖСҚ-сы жасақталуда. Оған 60 млн. теңге бөлінді.

Сондай-ақ, барлық 145 мектепте ағымдығы жөндеу жұмыстарын жүргізуге 3 млрд. 55 млн. теңге жоспарланды. Оның 5-де жөндеу жұмыстары аяқталды, 129-да жұмыстар жүргізілуде, 11-де конкурс құжаттамаларын қарау үстінде.

Аталған жұмыстарды 15 тамызға дейін аяқтау жоспарланды.

Жылыту маусымына дайындық

145 мемлекеттік мектептің 95-ы автономдық жылыту қазандықтарын қолданады. Олардың 81-де (85,3%) сынақ қысымы жүргізілді. 15 мектеп дайындық актісін алды.

Сонымен қатар, 34 мектеп дизельдік генератормен қамтамасыз етілді, 4 мектепке генератор сатып алу жоспарланды.

Заманауи мектеп пәндік кабинеттерінің ашылуы

72 мектепке 217 заманауи пәндік кабинеттерін сатып алу үшін жергілікті бюджеттен 1 млрд. 866 млн.теңге қаралды.

Оның ішінде, «Аманат» партиясының сайлауалды бағдарламасы аясында 20 мектепке 60 физика, химия, биология кабинеттері, 9 мектепке 22 кабинет сатып алынады, сонымен қатар 43 мектеп бағдарламадан тыс 135 заманауи кабинетпен қамтамасыз етіледі.

Оның ішінде 137 кабинет жеткізілді, 19-н 1 қыркүйекке дейін, ал 61 кабинетті 1 қарашаға дейін жеткізу жоспарланды.

Мемлекеттік мектептерде тегін тамақтануды қамтамасыз ету

Облыс бойынша 145 мемлекеттік мектептің 6-ы интернаттық мекеме, қалған 139 мектептің 136-да асхана бар. Асханасы жоқ 3 мектептің 81 оқушысы үшін ыстық тамақ тасымал (кейтеринг) арқылы жеткізіліп ұйымдастырылды (Бекі, Боздақ, № 5 бастауыш мектептері).

Бұл мәселені шешуде жаңа оқу жылында демеушілік есебінен салынған Бекі мектебінің (21 бала) жаңа ғимаратының құрылысы аяқталады. Мәселесі шешіледі.

№ 5 бастауыш мектепке (40 бала) «Жайлы мектеп» жобасы аясында мектеп құрылысы басталды. Келесі жылы пайдалануға беріледі.

Боздақ мектебіне (20 бала) жаңа ғимарат салу үшін облыстық бюджетке ЖСҚ дайындауға өтінім берілді.

Өңірдегі 23 мектеп мемлекеттік-жекешелік әріптестік тетігі арқылы қызмет етеді.

2023-2024 оқу жылында 139 мектепте 1-4 сыныптың 70 678 оқушысы және 5-11 сыныптың 16 789 оқушысы тегін ыстық тамақпен қамтамасыз етілді. Ол үшін жергілікті бюджеттен 8,1 млрд. теңге қаржы қарастырылды.

Жекеменшік мектептердің аз қамтылған оқушыларын тегін тамақтандыруға, оқулық сатып алуға 853 млн.теңге қаржы қаралды. НҚА шыққаннан кейін берілетін болады.

«Аманат» партиясының 20 ауыл мектебі жаңғыртуға 680 млн. бөлінді, оның ішінде асханаларды жаңартуға 40 млн. теңге қарастырылды. Оған стендтер, перделер және т. б. интерьер заттарын сатып алу.

Қауіпсіз жүйелерімен жабдықтау

Облыстағы білім беру ұйымдарындағы қауіпсіздікті қамтамасыз етуде жүйелі жұмыстар жүргізілуде.

Қауіпсіздікті қамтамасыз етуде, құрылғыларды жаңартуда (дабыл түймесі, бейнебақылау, күзет, турникет, қызмет көрсету) жергілікті бюджеттен 2 534 300 мың теңге қаражат бөлінді.

309 мемлекеттік ұйымдардың бейнебақылау жүйесі мен дабыл түймелері 100% жедел басқару орталығына қосылды. Оған бюджеттен 196 млн. теңге бөлінді.

Барлық білім беру ұйымдары 18 439 ( аналогты – 6 093, цифрлық - 12346) бейнебақылау камераларымен қамтылды.

Ағымдағы жылы 1531 бейнекамера (балабақша - 8, мектеп - 31) жаңартылады, бөлінген қаражат 227 млн.830 тн.

309 мекеменің 287-де (92%) турникеттермен видеофондар орнатылды.

46 мектепте турникет орнатуға 471 млн. тг. бөлінді. (Жаңаөзен қаласының 24 мектебі мен Бейнеу ауданының 22 мектебі) 309 мекеменің 254-де (86%) лизензияланған күзет қызмет көрсетеді, күзет мекемелерімен келісімшарттар жасақталып, 811 күзетші (балабақшаларда –294, мектептерде – 444, колледждерде – 73) жұмыс жасайды.

Күзет қызметіне жергілікті бюджеттен 1 304 млн. тг. бөлінді.

Мемлекеттік тапсырыспен автобустарды жалға алу арқылы облыстың 3 ауданында 17 мектепте 7719 оқушы тасымалданады, оған 545 млн. 312 мың теңге бөлінген:

Бейнеу ауданы бойынша - 220 оқушы, 8 млн. 495 мың теңге;

Мұнайлы ауданы бойынша - 3765 оқушы, 341 млн. теңге;

Түпқараған ауданы бойынша - 3734 оқушы, 204 млн. 623 мың теңге.

Облыстың 29 мектебінің және Ақтау қалалық оқу-әдістемелік орталығының балансындағы 37 автобус оқушыларды күнделікті тасымалдауға және оларды әр түрлі шараларға (олимпиада, конкурс, т.б.) тасымал үшін пайдаланылады. Оның ішінде 27 автобуспен 18 мектептің 2 756 оқушысы күнделікті тасымалданады.

37 автобусты күтіп ұстау және автобус жүргізушілерінің жалақы қоры 92 млн. 799 мың теңгені құрайды.

Осы мәселені шешу мақсатында биылғы жылы лизинг арқылы оқушылар тасымалына 7 жаңа автобус алынып, Маңғыстау ауданының мектептеріне қолданысқа берілді. Қазіргі уақытта автобустарды алу-беру процедуралары жүргізіліп жатыр.

Оқулықтарды сатып алу және жеткізу

Оқулықтар мен оқу-әдістемелік кешендер бойынша 18 баспамен 93 келісім-шарт және көркем және қосымша әдебиеттер бойынша 7 баспамен 32 келісім-шарт жасақталды.

Жеткізушілермен оқулықтар мен оқу-әдістемелік кешендерді сатып алу бойынша шарттар жасақталып, оқулықтар ағымдағы жылдың 25 тамызға дейін жеткізіледі деп күтілуде. Ағымдағы жылдың 25-30 тамыз аралығында оқушыларға таратылатын болады.

Интернетпен қамтамасыз ету

2024 жылдың 1 тоқсанының қорытындысы бойынша Маңғыстау облысының барлық 145 жалпы білім беру ұйымдарында (мектептерінде) ақпараттық-коммуникациялық инфрақұрылымның (локалдық желі) ағымдағы жай-күйіне талдау жүргізілді және цифрлық технологиялар басқармасымен бірлесіп мектептердің ішкі инфрақұрылымының топологиясы әзірленді.

3 мектепте (Аққұдық және Қарақұдық, Бекі мектептері) Starlink орнатылды.

Материалдық және қаржылай көмек көрсету

Жалпыға бірдей білім беру қорынан оқушыларға материалдық және қаржылай көмек көрсету үшін 3 млрд. 424 млн. теңге бөлінді. Ол жалпы бюджеттің 4% құрайды.

1 қыркүйекке дейін 44 030 оқушыға 1 млрд. 911 млн.теңге көлемінде қаржылай көмек беріледі.