2024 жылдың І-жартыжылдығында департамент көрсеткен мемлекеттік қызметтер туралы

- Білім беру қызметін лицензиялау, мектепке дейінгі білім беру ұйымдары қызметінің басталғаны туралы хабарлама жасау тәртібі, лицензиясыз және хабарламасыз қызмет;

- Бастауыш, негізгі орта, жалпы орта, техникалық және кәсіптік, орта білімнен кейінгі білім беру ұйымдарынан шығатын ресми құжаттарды апостильдеу.

      2024 жылдың өткен кезеңінде Департаментпен 50 мемлекеттік қызмет көрсетілді.

         «Бастауыш, негізгі орта, жалпы орта, техникалық және кәсіптік, орта білімнен кейінгі білім беру, діни білім беру саласында білім беру қызметімен айналысуға лицензия беру» мемлекеттік қызмет көрсету шеңберінде 6 өтініш қаралды. Оң шешім 4 өтініш бойынша қабылданды (66,7%), 2 өтініш бойынша бас тартылды(33,3%). Бас тартулар кезінде Қазақстан Республикасы Әкімшілік рәсімдік-процестік кодексінің талаптарына сәйкес тыңдау рәсімі жүргізілді.

       Өтініштердің түрлері бойынша талдау көрсеткендей, лицензиялар және (немесе) оған қосымшалар қайта ресімделді – 4 өтініш беруші, оның ішінде 4 мектеп.

       Білім беру қызметін жүзеге асыратын, оған рұқсат құжаттары жоқ білім беру ұйымдары жоқ.

      Көрсетілетін қызметті беруші мемлекеттік қызмет көрсету сапасын арттыру бойынша жұмыс жүргізеді. Сонымен, жеке білім беру ұйымдарына рұқсат құжаттарын ҚР «Рұқсаттар және хабарламалар туралы» Заңының 24-бабының талаптарына сәйкес келтіру қажеттілігі туралы хаттар жолданды.

      Мемлекеттік қызмет көрсету сапасын арттыру мақсатында тұрақты негізде мемлекеттік қызмет көрсету мәселелері бойынша көрсетілетін қызметті алушылармен түсіндіру жұмыстары жүргізіледі; 2024 жылы мемлекеттік қызмет көрсету сапасын арттыру бойынша халыққа түсіндіру іс-шараларымен 75 адаммен өткізілді.

       2024 жылы Департаменттің 1 қызметкері Қостанай облысы бойынша «Қазақстан Республикасы Президентінің жанындағы Мемлекеттік басқару академиясы» РМҚК филиалының жанынан «Адамдар ең алдымен: мемлекеттік қызметтердің сапасын арттырудың практикалық құралдары» тақырыбы бойынша біліктілікті арттыру курстарынан өтті.

       «Бастауыш, негізгі орта, жалпы орта, техникалық және кәсіптік, орта білімнен кейінгі білім беру ұйымдарынан шығатын ресми құжаттарды апостильдеу» мемлекеттік қызметін көрсету шеңберінде 2024 жылғы 1 шілдедегі жағдай бойынша 50 мемлекеттік қызмет көрсетілді, оның ішінде 48-қағаз түрінде, 2 – «электрондық үкімет» порталы арқылы түскен өтініштер бойынша қызметтер.

        Талданатын кезеңде көрсетілетін қызметті алушылардың көрсетілген мемлекеттік қызметтердің сапасына шағымдар түскен жоқ.

         2024 жылғы 1 шілдедегі жағдай бойынша Қостанай облысында 512 мектепке дейінгі тәрбие және оқыту ұйымдары, оның ішінде 177 балабақша (115 мемлекеттік, 62 жеке), 335 шағын орталық (330 мемлекеттік, 5 жеке) өз қызметін жүзеге асырды. Сонымен қатар, білім беру ұйымдарында 372 мектепалды сынып жұмыс істейді. Барлық ұйымдар хабарлама тәртібін сақтады.