Департамент басшысы А. С. Мальгаева білім беру сапасын қамтамасыз ету контекстінде білім алушыларды сыртқы бағалау қорытындыларымен білім басқармасының алқасында сөз сөйледі.

Мектептерді мемлекеттік аттестаттау шеңберінде өткізілген бақылау іс-шараларының кешені және білім алушыларды тестілеу нәтижелері проблемалық аймақтарды анықтауға және білім беру жүйесін жетілдірудің одан әрі бағыттарын айқындауға мүмкіндік береді.

Білім бөлімдерінің басшыларына білім беру деңгейлері мен оқу пәндері бөлінісінде сыртқы бағалау қорытындыларына егжей-тегжейлі талдау ұсынылды. Нәтижелер облыста өңірлер мен жекелеген мектептер арасындағы білім сапасы деңгейінде айырмашылықтар сақталатынын көрсетті.

Алқа барысында білім беру жүйесін дамытудың басқа да өзекті мәселелері қаралды. Білім беру бөлімдерінің басшыларына білім беру процесінің сапасын арттыруға бағытталған тиісті шараларды қабылдау және ұсынымдарды іске асыру жөнінде тапсырмалар берілді.

Отырысты қорытындылай келе, сыртқы бағалау нәтижелерін талдау және олардың негізінде басқарушылық шешімдер қабылдау бойынша жүйелі жұмыс барлық білім алушылар үшін тең және сапалы білім беруді қамтамасыз етудің маңызды құралы болып табылатыны атап өтілді.